| e-texts navigator |
| བོད་ཡིག |
194a1 rnam par shes par 'du shes pa las ngas thos kyi mthong ngo // ma rtogs so// rnam par ma shes so zhes zer na smras so cog ltung byed do// ma rtogs pa la rtogs par 'du shes shing mthong ba la mthong bar 'du shes/ thos pa la thos par 'du shes rnam
194a2 par shes pa la rnam par shes par 'du shes pa las des bsgyur te zhes bya ba nas/ ngas rtogs kyi ma mthong ngo // ma thos so// rnam par ma shes so zhes zer na smras so cog ltung byed du 'gyur ro// rnam par shes la rnam par shes par 'du shes shing bdag gis
194a3 mthong ba dang / bdag gis thos pa dang / bdag gis rtogs pa las 'du shes dang / bzod pa dang / 'dod pa dang / blo gros dang / rtog pa dang / lta ba bsgyur te 'di skad ces ngas rnam par shes kyi/ ma mthong ngo // ma thos so// ma rtogs so zhes zer na smras
194a4 so cog ltung byed du 'gyur ro/ / ltung byed dang po rdzogs // // gleng gzhi ni mnyan yod na'o// de'i tshe dge slong ma bcu gnyis sde rnams kyis 'di skad ces zhar ma/ theng mo/ sgur mo/ mi'u thung mo/ mchu 'phyangs mo/ mgo mo che/ lag zha mo zhes bud
194a5 med kyi skyon nas 'dru zhing smra ba'i kun du spyod pas kun du spyod par byed pa na/ de rnams de ltar bud med kyi skyon nas 'dru zhing smra ba'i kun du spyod pas sdug bsngal zhing yid mi bde ba mang bar gyur te/ lung mnod pa dang / bklag pa dang / kha ton dang / rnal 'byor dang /
194a6 yid la byed pa gtong zhing / chos 'dul ba 'di la chos dang ldan pa'i snum bag nyung ngu dag byung ba yang bar chad du gyur pa na/ don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan
194a7 'das la gsol to/ / de nas bcom ldan 'das kyis dge slong ma rnams la bka' stsal pa/ dge slong ma dag sngon byung ba ljongs shig na khyim bdag zhing pa zhig yod pa'i drung du khye'u zhig 'ongs te zhes bya ba nas/ des de'i sems mgu bar byas so zhes bya ba'i bar ro// des
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa