rKTs

e-texts navigator

Volume

Page

192a₁ bdag gis mthong ba dang / thos pa dang / rtogs la yid gnyis za ba las/ des 'du shes bsgyur te zhes bya ba nas/ ngas rnam par shes te yid gnyis mi za'o// kho mos mthong thos/ rtogs te yid gnyis mi za'o zhes zer na smras so cog ltung
192a₂ byed do/ / des mthong la ma mthong bar 'du shes shing thos pa dang / rtogs pa dang / rnam par shes la rnam par shes par 'du shes pa las des 'du shes bsgyur te zhes bya ba nas/ ngas mthong gis ma thos so// ma rtogs so// rnam par ma shes so zhes zer na
192a₃ smras so cog ltung byed do/ / des thos la ma thos par 'du shes shing mthong ba dang / rtogs pa dang / rnam par shes la rnam par shes par 'du shes pa las des bsgyur te zhes bya ba nas ngas thos kyis/ ma mthong ngo // ma rtogs so// rnam par ma shes so zhes
192a₄ zer na smras so cog ltung byed do/ / rtogs la ma rtogs par 'du shes shing mthong ba dang / thos pa dang / rnam par shes la rnam par shes par 'du shes pa las/ des bsgyur te zhes bya ba nas/ kho mos rtogs kyi mthong ngo // ma thos so// rnam par ma shes
192a₅ so zhes zer na smras so cog ltung byed do/ / rnam par shes la rnam par ma shes par 'du shes shing mthong ba dang / thos pa dang / rtogs pa la rtogs par 'du shes pa las des 'du shes bsgyur te zhes bya ba nas ngas rnam par shes kyi/ ma mthong ngo // ma thos so//
192a₆ ma rtogs so zhes zer na smras so cog ltung byed do// 'dis mthong bar gyur cing thos pa dang / rtogs pa dang / rnam par shes par gyur pa las des 'du shes dang / bzod pa dang / 'dod pa dang / blo gros dang / rtog pa dang / lta ba bsgyur te 'di skad ces ngas
192a₇ ma mthong ngo / / ma thos so// ma reg go// rnam par ma shes so zhes zer na smras so cog ltung byed do// 'dis mthong bar gyur la ma brjed pa dang / thos pa dang / rtogs pa dang / rnam par shes la ma brjed pa las des 'du shes dang / bzod pa dang / 'dod pa dang /

_{iiif viewer powered by OpenSeadragon}

191b - 192b

Texts on this page