| e-texts navigator |
| བོད་ཡིག |
189b1 rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe dge slong ma bcu gnyis sde rnams kyis shes bzhin du dge slong ma rnams la smra bas mtho 'tsham par byed pa na/ don nyung ba'i dge slong ma rnams smod par
189b2 byed pa'i skabs de bcom ldan 'das la gsol pa dang / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ shes bzhin du smra na ltung byed do// shes bzhin du zhes bya ba ni rnam par dpyad nas
189b3 so/ / smra na zhes bya ba la/ du smra ba rnam pa brgyad kyang yod/ du smra ba rnam pa bdun yang yod/ du smra ba rnam pa drug kyang yod/ du smra ba rnam pa lnga yang yod/ du smra ba rnam pa bzhi yang yod/ du smra ba
189b4 rnam pa gsum yang yod/ du smra ba rnam pa gnyis kyang yod do// du smra ba rnam pa brgyad gang zhe na/ gzhi med par phas pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas dang /
189b5 gzhi med par mthong ba dang / thos pa dang / dogs pa ste/ 'di ni du smra ba rnam pa brgyad yin no// du smra ba rnam pa bdun gang zhe na/ gzhi med par tshul khrims nyams pa dang / lta ba nyams pa dang / cho ga nyams pa dang / 'tsho
189b6 ba nyams pa dang / gzhi med par mthong ba dang / thos pa dang / dogs pa ste/ 'di ni du smra ba rnam pa bdun yin no// du smra ba rnam pa drug gang zhe na/ dge slong ma du smra bar 'dod pa 'di snyam du du smra bar bya'o
189b7 snyam pa dang / smra'o snyam pa dang / smras so snyam pa dang / gzhi med par mthong ba dang / thos pa dang / dogs pa ste/ 'di ni du smra ba rnam pa drug yin no// du smra ba rnam pa lnga gang zhe na/ gzhi med par phas
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa