| e-texts navigator |
| བོད་ཡིག |
189a1 bcom ldan 'das kyis smad par mdzad de/ dge slong ma dag bud med ni legs par sbas kyang mdzes pa ma yin na/ ma sbas na lta smos kyang ci dgos zhes rnam grangs du mas rnam par smad nas dge slong ma rnams la bka' stsal pa/ dge slong
189a2 ma dag ngas phan yon bcu yang dag par rjes su gzigs nas 'dul ba la nyan thos rnams kyi bslab pa'i gzhi bca' ba mdzad de/ 'di lta ste/ dge 'dun yang dag par bsdu ba'i phyir dang / zhes bya ba nas lha dang mi'i bar la yang dag par legs par rab tu bshad
189a3 par 'gyur ba'i bar ro/ / yang nga'i nyan thos ma rnams kyis 'dul ba la bslab pa'i gzhi 'di skad ces gdon par bya ste/ yang dge slong ma gang yang la rin che ba'i gos gyon na spang ba'i ltung byed do// yang dge slong ma gang zhes bya ba ni gtsug dga' mo'o//
189a4 gos yang la zhes bya ba ni seng ras so// rin che ba zhes bya ba ni kAr ShA pa Na nyi shu ri ba'am/ kAr ShA pa Na nyi shu rtsa lnga ri ba'o// spang ba'i ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong ma seng ras gyon na spang ba'i
189a5 ltung byed do/ / sna tshogs su bkra ba gyon nam/ srab mo gyon na thams cad du spang ba'i ltung byed du 'gyur ro// las dang po pa la sogs pa la ni ltung ba med do// spang ba'i ltung byed sum bcu gsum pa rdzogs so// dge slong ma'i 'dul ba rnam par 'byed
189a6 pa las spang ba'i ltung byed rnams rdzogs / / // dge slong ma'i 'dul ba rnam par 'byed pa/ bam po lnga pa/ da ni ltung byed rnams smra bar bya ste/ bsdus pa'i sdom ni/ shes bzhin dang ni sa bon dang // de bzhin khur ba nyid dang ni//
189a7 thal mo rdebs dang ched bsams dang // rkun ma bang chen nyid dang ngo // sdom ni/ shes bzhin dang ni skyon nas 'dru// phra ma dang ni skyo sngogs dang // skyes pa la ston chos dang ni// yid 'ong bslab pa khyad gsod pa'o// sangs rgyas bcom ldan 'das
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa