| e-texts navigator |
| བོད་ཡིག |
188a1 de/ dge slong ma khyed kyis 'di lta bu mdzes pa ma yin pa byas pa bden nam/ bcom ldan 'das mad lags so// sangs rgyas bcom ldan 'das kyis gtsug dga' mo la dge sbyong ma'i tshul ma yin pa dang / rung ba ma yin pa
188a2 dang / mdzes pa ma yin pa de ni rab tu byung bas bya ba ma yin no// zhes rnam par smad pa mdzad do// de nas bcom ldan 'das kyis rnam grangs du mas rnam par smad nas gnyi ga'i dge 'dun la bka' stsal pa/ dge slong dag bud med ni kha zas dang 'dra ste/
188a3 re zhig gos bzang po med na yang 'dod par bya ba yin na/ gos bzang po bgos na lta smos kyang ci dgos/ bcom ldan 'das kyis dgongs pa/ nyes dmigs gang ci byung ba thams cad ni lci la rin che ba'i gos 'chang ba las gyur to snyam nas bcom ldan 'das kyis
188a4 bka' stsal pa/ yang dge slong ma gang lci la rin che ba'i gos 'chang na spang ba'i ltung byed do// yang dge slong ma gang zhes bya ba ni gtsug dga' mo'o// lci la zhes bya ba ni dgun gyi bgo ba'o// rin che ba zhes bya ba ni kAr ShA pa Na nyi shu'am/ nyi shu rtsa lnga ri ba'o//
188a5 'chang na zhes bya ba ni gyon na'o// spang ba'i ltung byed do zhes bya ba ni snga ma bzhin no// de la ltung bar ji ltar 'gyur zhe na/ dge slong mas ji tsam cung zad lci la rin che ba'i gos 'chang na thams cad du spang ba'i ltung byed du 'gyur ro// spang ba'i ltung byed sum bcu
188a6 gnyis pa rdzogs / / // gleng gzhi ni mnyan yod na'o// de'i tshe yul ka ling ka'i rgyal pos seng ras rin che ba zhig rgyal po gsal rgyal la skyes su bskur ba las/ des rgyal rigs nyams pa'i dmag mi rnams la byin no// de rnams kyis kyang
188a7 chos sbyin ni bdag cag gi dge ba'i bshes gnyen yin no zhes de la byin no/ / des de blangs te chos gos kyi gdang la gzar te bzhag go// gtsug dga' mo yang gnas khang du zhugs pa na mthong nas des 'di skad ces smras so// 'phags ma seng ras
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa