| e-texts navigator |
| བོད་ཡིག |
186b1 spang ba'i ltung byed do/ / spang ba'i ltung byed nyi shu dgu pa rdzogs // // gleng gzhi ni mnyan yod na'o// de'i tshe ljongs shig nas dge slong ma rab tu mang po mnyan yod du lhags pa dang / de dag gi phyir bram ze dang khyim bdag rnams kyi chung mas rnyed pa mang du gtad
186b2 nas de dag gis 'di skad ces smras so/ / 'phags ma gdugs tshod mdzod cig/ des 'di skad ces smras so// 'di ltar nyungs kyis yang dang yang du snon cig/ de dag gis yang dang yang du byin nas kyang de dag gis 'di skad ces smras so// 'phags ma gdugs
186b3 tshod bgyi ba'i dus ni 'di lags so/ / des 'di skad ces smras so// da dung zan bya ba'i dus la ma bab bo// gang gi tshe dge slong ma de rnams ljongs dag tu dong ba de'i tshe des rnyed pa de las rnam grangs brgyad pa dang / nyi shu pa'i bar dag byas te zos so zhes bya ba
186b4 nas/ kho mo ni sde snod gsum pa yin no zhes bya ba'i bar ro// don nyung ba'i dge slong ma dag smod par byed pa nas/ bcom ldan 'das kyis bka' stsal pa zhes bya ba nas/ bslab pa bca' ba'i bar du mdzad de/ yang dge slong ma gang glo bur du lhags pa'i dge slong
186b5 ma rnams kyi phyir rnyed pa bslangs te/ gcig pu za na spang ba'i ltung byed do// yang dge slong ma gang zhes bya ba ni sbom dga' mo'o// glo bur du lhags pa'i dge slong ma rnams kyi phyir zhes bya ba ni bcom ldan 'das kyi nyan thos ma rnams so// rnyed pa zhes bya ba la rnyed pa ni
186b6 gnyis te/ zas kyi rnyed pa dang / gos kyi rnyed pa'o// don 'di la ni zas kyi rnyed pa yin par dgongs so// spang ba'i ltung byed do zhes bya ba ni gong ma bzhin no// de la ltung bar ji ltar 'gyur zhe na/ ji tsam dge slong mas glo bur du lhags pa'i dge slong ma rnams
186b7 kyi phyir rnyed pa yod pa gcig pu za bar byed na thams cad du spang ba'i ltung byed du 'gyur ro/ / spang ba'i ltung byed sum bcu pa rdzogs // // gleng gzhi ni mnyan yod na'o// de nas dge slong ma sbom dga' mos dge 'dun ma'i phyir zas dag yang dag par skul
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa