| e-texts navigator |
| བོད་ཡིག |
185b1 nas lkog mar brdzangs so zhes bya ba nas/ bdag ni sde snod gsum pa lags so zhes bya ba'i bar ro// don nyung ba'i dge slong ma dag smod par byed pa zhes bya ba nas/ bslab pa bca' ba'i bar du mdzad de/ yang dge slong ma gang gos kyi phyir dngos po gzhan
185b2 rnyed pa rang gi kha'i sgor byin gyis rlob par byed na spang ba'i ltung byed do/ / yang dge slong ma gang zhes bya ba ni sbom dga' mo'o// dngos po gzhan zhes bya ba ni gzhan du bsngos pa'o// gos kyi rnyed pa zhes bya ba ni bdun po gang yang rung ba'o// kha'i sgo zhes bya ba ni
185b3 lkog mar mid pa'o/ / spang ba'i ltung byed do zhes bya ba ni gong ma bzhin no// de la ltung bar ji ltar 'gyur zhe na/ ji tsam dge slong mas dngos po gzhan rnyed pa de kha'i sgor byin gyis rlob par byed na thams cad du spang ba'i ltung byed du 'gyur ro// spang ba'i ltung byed
185b4 nyi shu bdun pa rdzogs / / // gleng gzhi ni mnyan yod na'o// de'i tshe sbom dga' mo rang gi dbyar khang gi gnas mal grugs shing chag pa dang / de la bram ze dang / khyim bdag gi chung ma rnams kyis smras pa/ khyod kyis gnas mal grugs shing
185b5 chag pa dag ci'i slad du ma bcos/ des 'di skad ces smras so// ci kho mo la bu dang khyim thab las byed pa yod snyam mam/ de dag gis gnas mal bcos pa'i phyir kAr ShA pa Na mang po byin no// zhes bya ba nas des kha zas kyi rnam grangs brgyad pa dang /
185b6 nyi shu pa dag byas te zos so zhes bya ba'i bar ro// yang grugs shing chag pa mthong nas zhes bya ba nas/ 'di skad ces kho mo ni sde snod gsum pa yin no zhes bya ba'i bar smras pa na/ don nyung ba'i dge slong dag smod par byed pa'i zhes bya ba nas/ bslab
185b7 pa bca' ba'i bar du mdzad de/ yang dge slong ma gang dbyar khang gi gnas mal gyi rnyed pa rang gi kha'i bza' bar byin gyis rlob par byed na spang ba'i ltung byed do// yang dge slong ma gang zhes bya ba ni sbom dga' mo'o// gnas mal gyi rnyed pa zhes bya ba ni
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa