| e-texts navigator |
| བོད་ཡིག |
182b1 dngos po gzhan rnyed dang / / gnas mal dang ni dbyar khang dang // skye bo mang po'i phyir rnyed dang // dge 'dun ched du slong ba dang // lci la rin thang che ba dang // yang ba de ni tha ma yin// sangs rgyas bcom ldan 'das mnyan yod na rgyal bu rgyal byed kyi tshal
182b2 mgon med zas sbyin gyi kun dga' ra ba na bzhugs so/ / de'i tshe mnyan yod na gser mgar zhig yod pa des rigs mnyam pa las chung ma blangs so// de nas de khu 'phrigs can zhig pas chung ma sar pa de bgam par 'dod nas gser gyi rna gdub cig bzhag ste
182b3 dben par bsdad do/ / de nas sbom dga' mo snga dro sham thabs bgos lhung bzed dang chos gos blangs te gser mgar gyi khyim gang na ba der song nas phyin pa dang / bag ma sar pa de la nad med par gyur cig ces byas nas 'di skad ces smras so// mtshan
182b4 ma bsod snyoms byin cig/ des zas phye zhig phyung ba dang / des zas phye de mthong nas 'di skad ces kho bo khyod las thog mar zas phye len pa ni mi bzang ste/ mi shes kyis gser gyi rna gdub de bstan nas 'o ni byin cig ces smras pa dang / des snoms shig
182b5 ces kyang ma smras/ ma bsnams shig ces kyang ma smras pa las des de blangs te dong ngo // de nas mi des gser gyi rna gdub de ma mthong ngo // ma mthong nas bag sar de la brdeg par zhugs pa dang / g.yas g.yon 'khod pa dag gis 'di skad ces khyod gnong
182b6 med cing ma nyes pa 'di la dbyug pas rdeg gam/ ci gser gyi rna gdub ni dge slong ma pha bis khyer te song ngo zhes smras pa dang / de nas gser mgar gyis sbom dga' mo gang na ba der brgyugs pa las/ de yang skyes pa dang bud med kyi rkang pa'i sgra la mkhas pa
182b7 yin pas/ des 'phrigs nas gser gyi rna gdub khar bcug go// ji tsam na mi de nye ba dang / mi de la sbom dga' mos 'di skad ces smras so// bu zan mo'i bu kho mo cag rgyal pos btsun mo'i thabs gnang bar khyod kyis mi shes sam/ kho mo la
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa