| e-texts navigator |
| བོད་ཡིག |
181b1 tsam cung zad dge slong dang chos gos brje ba nyams su myong bar byed na thams cad du spang ba'i ltung byed du 'gyur ro/ / spang ba'i ltung byed nyi shu gcig pa rdzogs // // gleng gzhi ni mnyan yod na'o// de'i tshe sbom dga' mos dge slong ma'i dge 'dun dang
181b2 lhan cig ston zla tha tshes la sra brkyang bting ma thag tu dge slong ma rnams la 'di skad ces smras so/ / phu nu mo dag sra brkyang dbyung gis tshur sheg/ sra brkyang phyung na grub pa dang bde ba mang po 'byung ngo // de dag gis 'di skad ces smras so// bdag cag
181b3 dus ma yin par sra brkyang ma u0f72 'byin to/ / des 'di skad ces smras so// kho mo sde snod gsum pa yin na kho mos ci sra brkyang dbyung ba'i dus gang yin pa mi shes sam/ des dge slong ma de dag gi tshig ma mnyan par dus ma yin par sra brkyang phyung nas rnyed
181b4 pa bgos so/ / de nas dge slong ma de dag chos gos lnga thogs te/ ljongs rgyu zhing 'dong ba dang / de nas dge slong ma de dag la dge slong ma rnams kyis dris pa/ 'phags ma dag khyed kyis sra brkyang bting ba tshang ngam/ de dag gis 'di skad ces smras
181b5 so/ / kho mo cag ni mi shes mod kyi/ 'phags ma sbom dga' mo na re 'di skad ces kho mo sde snod gsum pa yin pas sra brkyang dbyung ba'i dus shes so zhes zer ro// de rnams kyis 'di skad ces smras so// khyed cag gis sra brkyang phyung ngam/ de dag
181b6 gis phyung ngo zhes smras pa na don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to// zhes bya ba nas/ bslab pa bca' ba'i bar du mdzad de/ yang dge
181b7 slong ma gang dus ma yin par sra brkyang 'byin na spang ba'i ltung byed do/ / yang dge slong ma gang zhes bya ba ni sbom dga' mo'o// dus ma yin pa zhes bya ba ni sra brkyang gi dus dang dus ma yin pa gang zhe na/ ston zla tha nas bzung ste dpyid zla ra ba'i bar de ni
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa