| e-texts navigator |
| བོད་ཡིག |
181a1 rang gi chos gos 'dun pa la byin no/ / de nas 'dun mas chos gos de zhag mang po ma lon par dri ma can du byas so// 'dun pas yang chos gos de legs par bkrus shing legs par kha bsgyur ba byas nas yang ma blta ba'i phyir song ba dang /
181a2 de nas 'dun mas ming po la 'di skad ces smras so// ming po chos gos 'di su'i lags/ des 'di skad ces smras so// 'di de'i tshe'i khyod kyi yin mod des 'di skad ces smras so// rang gi chos gos 'di snoms la bdag gi chos gos ni tshur stsol cig/ des ma
181a3 byin pa dang / des yang ma la gsol ba btab pa dang / bu byin cig/ des de la byin no// de nas dge slong ma 'dun ma la dge slong ma rnams kyis smras pa/ khyod kyi chos gos la rtag par bkrus shing legs par kha bsgyur bas gnas gtsang ma'i bzhin
181a4 du gyur to/ / des skabs de dge slong ma rnams la smras pa dang / de nas dge slong ma de rnams kyis 'di skad ces smras so// ci'i phyir khyod 'khor gyi gtso bo dang lhan cig chos gos brje ba nyams su myong bar byed/ des 'di skad ces gal te brjer rung yang rung
181a5 brjer mi rung yang rung bdag gis brjes lags so/ / zhes smras pa na don nyung ba'i dge slong ma rnams smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to zhes bya ba nas/ bslab pa
181a6 bca' ba'i bar du mdzad de/ yang dge slong ma gang dge slong dang lhan cig chos gos brjes nas de'i 'og tu 'di skad ces 'phags pa 'phags pa'i chos gos gang lags pa 'di bzhes la bdag gi chos gos gang lags pa de slar stsol cig ces smra na spang ba'i ltung byed
181a7 do/ / yang dge slong ma gang zhes bya ba ni 'dun ma dang / dge slong 'dun par ro// chos gos brjes pa zhes bya ba ni bdun po gang yang rung ba'o// spang ba'i ltung byed do zhes bya ba ni gong ma bzhin no// de la ltung bar ji ltar 'gyur zhe na/ dge slong mas ji
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa