| e-texts navigator |
| བོད་ཡིག |
180b1 lhag pa zhes bya ba ni byin gyis brlabs pa las lhag pa'o/ / de las 'das par 'chang na zhes bya ba ni de las lhag par ro// spang ba'i ltung byed do zhes bya ba ni snga ma bzhin no// de la ltung bar ji ltar 'gyur zhe na/ dge slong mas zhag gcig las 'das
180b2 par lhung bzed lhag par 'chang na thams cad du spang ba'i ltung byed du 'gyur ro/ / gal te lhung bzed skya bo 'chang na ltung ba med do// spang ba'i ltung byed nyi shu pa rdzogs // // gleng gzhi ni mnyan yod na'o// de'i tshe mnyan yod na khyim bdag
180b3 cig gnas pa des ji tsam na rigs mnyam pa las chung ma blangs te de de dang rtse bar byed pa nas khye'u zhig btsas pa'i bar du ste/ de'i ming 'dun pa zhes bya bar btags so// 'dod pa rnams ni tshwa chu dang 'dra bas de yang rtse bar byed pa na bu mo zhig btsas te/
180b4 de'i ming ni 'dun ma zhes bya bar btags so// de nas dus gzhan zhig na khyim bdag shi bar gyur to// gang gi tshe khyim bdag de shi bar gyur pa de'i tshe khyim bdag de'i chung ma ma smad gsum rab tu byung ngo // de nas gzhon nu 'dun pa dge slong pha'i
180b5 gtsug lag khang nas/ dge slong ma'i gtsug lag khang du ma la blta ba'i phyir/ des snam sbyar tshon gsar gyis kha bsgyur ba dmar ser zhig bgos te/ song ba dang sring mo des dris pa/ ming po chos gos 'di su'i lags/ des 'di skad ces smras so// kho bo'i
180b6 yin no/ / des 'di skad ces bdag la stsol cig ces smras pa las/ des ma byin pa dang de ngu bar gyur to// de la mas dris pa bu mo ci ste ngu / des 'di skad ces smras so// ming po la bdag gis chos gos bslangs na des ma stsal to// de nas mas gzhon
180b7 nu 'dun pa la smras pa/ bu sring mo la chos gos byin cig/ des smras pa/ nyes pa 'ga' zhig tu mi 'gyur lags grang / des 'di skad ces smras so// de la nyes pa ci yang med do// de nas 'dun pas chos gos de 'dun ma la byin no// 'dun mas kyang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa