rKTs

e-texts navigator

Volume

Page

179b₁ gyi dbu ba zhes bya ba ni bu ram mo/ / zhag bdun pa'i mthar thug pa'i zhes bya ba ni nyin zhag bdun du'o// gsog 'jog gi longs spyod kyis zhes bya ba ni byin gyis brlabs nas so// so sor bsten par bya ba zhes bya ba ni bza' bar bya ba'o// de las 'das par
179b₂ zhes bya ba ni de las lhag par ro/ / spang ba'i ltung byed do zhes bya ba ni snga ma bzhin no// de la ltung bar ji ltar 'gyur zhe na/ dge slong mas tshes la na ba'i sman zhig rnyed na des na ba'i sman de zhag bdun pa'i nang rol du byin gyis brlab par bya ba'am/
179b₃ gtang bar bya ba'am/ longs spyad par bya'o// byin gyis rlob par mi byed dam/ gtong bar mi byed dam/ longs spyod par mi byed na zhag brgyad pa'i skya rengs shar na spang ba'i ltung byed do// de bzhin du tshes la zhes bya ba ltar zhag drug pa'i bar du
179b₄ de kho na bzhin snga ma dang 'dra bar brjod do/ / dge slong mas tshes la na ba'i sman zhig rnyed la/ tshes gnyis la yang gzhan zhig rnyed na dge slong ma des snga ma shos byin gyis brlab par bya ba'am/ gtang bar bya ba'am/ phyi ma shos longs spyad par bya
179b₅ ba'am/ phyi ma shos byin gyis brlab par bya ba'am/ snga ma shos longs spyad par bya'o// byin gyis rlob par mi byed dam/ gtong bar mi byed dam/ longs spyod par mi byed na zhag brgyad pa'i skya rengs shar na spang ba'i ltung byed do// de
179b₆ bzhin du tshes la gnyis rnyed la/ tshes gnyis la yang gnyis rnyed na zhes bya ba nas zhag drug dang / bdun gyi bar du yang rgyas par brjod par bya'o// dge slong mas tshes la na ba'i sman rab tu mang po zhes bya ba'i bar du rgyas par brjod par bya'o//
179b₇ de bzhin du tshes la rab tu mang po rnyed la/ tshes gnyis la yang gzhan dag ces bya ba'i bar du rgyas par ro// de la na ba'i sman gang yin pa de las byin len byas pa gang dag phan tshun du 'dres pa dang / zas kyi phye ma dang 'dres shing shan 'bags pa de

_{iiif viewer powered by OpenSeadragon}

179a - 180a

Texts on this page