| e-texts navigator |
| བོད་ཡིག |
178b1 yang dge slong ma gang zhig shes bzhin du dge 'dun la bsngos pa'i rnyed pa gang zag bdag gir byed na spang ba'i ltung byed do// yang dge slong ma gang zhig ces bya ba ni bcu gnyis sde rnams so// shes bzhin du zhes bya ba ni bdag nyid kyis sam/ gzhan gyis
178b2 smras par gyur pa'o/ / dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o// rnyed pa zhes bya ba ni rnyed pa gnyis po gos kyi rnyed pa dang / zas kyi rnyed pa ste/ skabs 'dir ni gos kyi rnyed pa yin par dgongs so// bsngos pa zhes bya ba
178b3 ni phul ba'o/ / gang zag bdag gir byed na zhes bya ba ni rang gir byed na'o// spang ba'i ltung byed do zhes bya ba ni snga ma bzhin no// de la ltung bar ji ltar 'gyur zhe na/ dge slong ma shes bzhin du gang zag la bsngos pa'i rnyed pa gzhan du gang zag la sgyur bar byed na ji
178b4 srid du rnyed pa rang gir mi byed pa de srid du nyes byas so/ / rang gir byed na spang ba'i ltung byed do// dge slong mas dge 'dun sde gzhan dang gzhan du gnas la sde gcig la bsngos pa'i rnyed pa sde gnyis pa shos la sgyur bar byed na ji srid du rnyed pa rang gir mi byed pa de
178b5 srid du nyes byas so/ / rang gir byed na spang ba'i ltung byed do// de bzhin du dge slong gi dge 'dun la bsngos pa dge slong ma'i dge 'dun la sgyur bar byed na yang snga ma bzhin no// de bzhin du gnyi ga'i dge 'dun la bsngos pa dge 'dun sde gcig la sgyur bar byed na spang
178b6 ba'i ltung byed do/ / de bzhin du dge 'dun sde gcig la bsngos pa gnyi ga'i dge 'dun la sgyur bar byed na yang spang ba'i ltung byed do// de bzhin du mchod rten rnams kyi me tog gi gnas nas bzung ste bum pa'i bar me tog gi gnas dang / sgo gang la sogs pa
178b7 dang / de bzhin du rim gro'i khang par bsngos pa drod khang du sgyur bar byed pa dang / de bzhin du bsro gang dang / dge 'dun gyi kun dga' ra ba dang / ka ba dang / gdung dang / sa la yang brjod par bya'o// tha na mu lto ba gcig la bsngos pa gnyis pa
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa