| e-texts navigator |
| བོད་ཡིག |
176b1 par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang dge
176b2 slong ma dag la gos dag byin nas de'i 'og tu khros 'khrugs rngam par gyur cing / yid ma rangs pas dge slong ma khyod la gos dag mi sbyin gyis phyir byin cig ces 'phrog gam/ 'phrog tu 'jug na dge slong ma des gos kyi lhag ma yod pa slar sbyin par bya ste/ longs spyad na
176b3 spang ba'i ltung byed do/ / yang dge slong ma gang zhes bya ba ni bcu gnyis sde dag go// dge slong ma rnams zhes bya ba ni lhan cig gnas pa dang / nye gnas rnams so// gos dag byin nas zhes bya ba ni bdun po gang yang rung ba dag go// de'i 'og tu zhes bya ba ni dus
176b4 gzhan no/ / khros 'khrugs rngam par gyur cing yid ma rangs pas zhes bya ba ni 'khrug pa ma sangs par ro// 'phrog gam zhes bya ba ni bdag nyid kyis so// 'phrog tu 'jug na zhes bya ba ni gzhan gyis so// dge slong ma khyod la gos dag mi sbyin gyis phyir byin
176b5 cig ces zer na dge slong ma des gos de zhes bya ba ni gos bdun po gang yang rung ba'i lhag ma yod pa'o/ / phyir sbyin par bya'o zhes bya ba ni gtang bar bya'o// de longs spyad na zhes bya ba ni de ji tsam gyi bar du longs spyad par gyur na'o// spang ba'i ltung byed do zhes bya ba ni
176b6 gong ma bzhin no/ / de la ltung bar ji ltar 'gyur zhe na/ lus g.yo bar byed pa dang / tshig rjod par byed pa dang / de gnyi ga dang ldan pa'o// ji ltar lus g.yo bar byed pas zhe na/ lag pas bzung zhing 'phrog pa ste/ ji srid du gos kyi grwa lus dang bral bar
176b7 mi byed kyi bar du nyes byas so/ / phral ba na spang ba'i ltung byed de/ de lta bu ni lus g.yo bar byed pas so// ji ltar tshig rjod pas zhe na/ tshig 'di skad ces dge slong ma gos phyir byin cig ces smras nas ji srid du gos kyi grwa lus dang bral bar mi byed kyi bar du nyes
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa