| e-texts navigator |
| བོད་ཡིག |
174b1 dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ yang dge slong ma gang khyim bdag gam/ khyim bdag gi chung ma nye du ma yin pa
174b2 las skud pa bslangs te/ tha ga pa nye du ma yin pa la gos 'thag tu 'jug na spang ba'i ltung byed do// yang dge slong ma gang zhes bya ba ni sbom dga' mo'o// nye du ma yin pa la zhes bya ba ni ma mes dang / pha mes phrugs bdun gyi bar ro// skud pa zhes bya ba ni bdun po gang
174b3 yang rung ba'i'o/ / tha ga pa nye du ma yin pa zhes bya ba ni thags 'thag pa'o// gos zhes bya ba ni bdun po gang yang rung ba'o// 'thag tu 'jug na zhes bya ba ni 'thag tu bcug na'o// spang ba'i ltung byed do zhes bya ba ni snga ma bzhin no// de la ltung bar ji ltar 'gyur zhe
174b4 na/ yang dge slong ma gang nye du ma yin pa las skud pa bslangs te/ tha ga pa nye du ma yin pa la gos 'thag tu 'jug nas slong ba na de la nyes byas so// tha ga pa nye du ma yin pa la gos 'thag tu bcug nas grub na spang ba'i ltung byed do// dge slong mas nye du ma yin
174b5 pa las skud pa bslangs te/ bdag nyid dam tha ga pa nye du ma yin pa la 'thag tu 'jug nas slong ba na de la nyes byas so// bdag nyid 'thag na yang nyes byas so// nye du ma yin pa la 'thag tu bcug ste grub na spang ba'i ltung byed do// dge slong mas nye du ma yin
174b6 pa las skud pa bslangs te/ tha ga pa nye du la 'thag tu 'jug na slong ba na de la nyes byas so// tha ga pa nye du 'thag tu bcug na ltung ba med do// dge slong mas nye du ma yin pa las skud pa bslangs te bdag nyid dam/ nye du 'thag tu 'jug na slong ba na de la nyes byas
174b7 so/ / bdag nyid 'thag na nyes byas so// nye du yin na ltung ba med do// dge slong mas nye du ma yin pa las skud pa bslangs te/ bdag nyid 'thag gam nye du ma yin pa 'thag tu 'jug na slong ba na de la nyes byas so// bdag nyid 'thag na nyes byas so//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa