| e-texts navigator |
| བོད་ཡིག |
170b1 zhes bya ba ni snga ma bzhin no/ / sna tshogs zhes bya ba ni rnam pa du ma'o// mngon mtshan can zhes bya ba ni dbyig gam/ gser ro// spyod na zhes bya ba ni lhag par spyod na'o// spang ba'i ltung byed do zhes bya ba ni gong ma bzhin no// de la ltung bar
170b2 ji ltar 'gyur zhe na/ rnam pa bzhi ste/ kun du sbyor bar byed/ rab tu sbyor bar byed/ bun 'gyed par byed/ skyed 'gyed par byed pa'o// de la kun du sbyor bar byed pa ni yul gyi rnyed pa'i phyir zong la kun du sbyor bar byed pa dang / shing rta la kun
170b3 du sbyor bar byed pa dang / mi rnams sdud par byed pa dang / de nas rdzas 'di ni khyed kyi'o// 'di ni kho mo'i'o zhes bya ba ste/ ji srid du rnyed pa bdag gir mi byed pa de srid du nyes byas so// rnyed pa bdag gir byed na spang ba'i ltung byed do// de lta bu ni kun du sbyor
170b4 bar byed pa yin no/ / ji ltar rab tu sbyor bar byed ce na/ gser gyi rnyed pa'i zong gis bcu las bcu gcig tu bskyed pa'i phyir zong la rab tu sbyor bar byed cing dpang rgya'i ched du der 'gro ba dang / snag tsha'am/ dpang po tshol du 'gro ba'o// ji tsam du rnyed pa
170b5 bdag gir mi byed na nyes byas so/ / bdag gir byed na spang ba'i ltung byed do// de lta bu ni rab tu sbyor bar byed pa yin no// ji ltar bun 'gyed par byed ce na/ nas dang gro gsar thog gi phyir bun dgye bar gzhal ba'i snod kyis gro dang nas skyed du gtong ba ste/
170b6 der de dag gzhal ba'i snod dang / bre'u chung dang / phul dang / 'jal ba dang / mi dag don du gnyer bar 'gro ba yin te/ ji srid du rnyed pa bdag gir mi byed na nyes byas so// bdag gir byed na spang ba'i ltung byed do// de lta bu ni bun 'gyed par byed
170b7 pa yin no/ / ji ltar skyed 'gyed par byed ce na/ de dag mu tig gi skyed nyid kyis skyed 'gyed par byed/ gser gyi skyed nyid kyis skyed 'gyed par byed pa yin/ der de dag gro ga dang / snag tsha dang / dpang po don du gnyer bar byed pa yin te/ ji srid
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa