| e-texts navigator |
| བོད་ཡིག |
170a1 sam/ rdza bo nas sam/ zangs nas sam/ byi gred nas sam/ za ma tog nas so// 'di tsam long shig ces bya ba ni brgya'am/ stong ste/ gang na rung ba byed pa'am/ dge sbyong yod pa der long shig ces bsgo na nyes byas so//
170a2 blangs na spang ba'i ltung byed do// 'di long shig/ 'di nas long shig/ 'di tsam long shig ces bya ba nas 'thob par mi 'gyur ba'i phyogs gang du rung ba byed pa'am/ dge tshul ma med pa der long shig ces bsgo na nyes byas so// blangs na yang nyes
170a3 byas so/ / zhes bya ba'i bar ro// gang yang yul tsam pa'i khyim bdag la brten nas bcom ldan 'das kyis bka' stsal pa/ blang bar bya ste bshes pa gzhan gyis bcang bar bya'o// bcang ba ni 'di ltar bya ste/ 'phags ma dgongs su gsol/
170a4 bdag ming 'di zhes bgyi ba la kAr ShA pa Na rung ba ma lags pa dag byung ste/ bdag ming 'di zhes bgyi bas yon bdag gam/ yon bdag gi mchis 'brang che ge mo zhes bgyi ba'i ming gis rung bar bgyi ste/ rkyen de kho nas bcang bar bgyi'o// nam rung bar
170a5 ma bgyis pa 'dis rung bar bgyis pa grub pa de'i tshe bdag gis rung bar bgyis so zhes bya ba nas bcang bar bya'o/ / spang ba'i ltung byed bcu pa rdzogs // // gleng gzhi ni mnyan yod na'o// gang gi tshe bcom ldan 'das kyis drug sde rnams la brten
170a6 n as mngon mtshan can gyis spyod pa rnam pa sna tshogs byed pa'i bslab pa'i gzhi bca' ba mdzad pa de'i tshe yang bcu gnyis sde rnams kyis de'i tshe mngon mtshan can gyis spyod pa sna tshogs byed pa na don nyung ba'i dge slong ma dag smod par byed pa'i skabs de
170a7 bcom ldan 'das la gsol pa dang / de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong ma gang mngon mtshan can gyis spyod pa sna tshogs byed na spang ba'i ltung byed do// yang dge slong ma gang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa