rKTs

e-texts navigator

Volume

Page

16b₁ gal te mi gtong na dge tshul ma de la dge slong ma rnams kyis deng phyin chad dge tshul ma khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig/ tshangs pa mtshungs par spyod pa mkhas pa
16b₂ bla ma'i gnas lta bu gang yang rung ba'i phyi bzhin du'ang ma 'gro shig/ dge slong ma rnams dang / dge tshul ma lhan cig nub gnyis tshun chad gnas gcig tu nyal du dbang ba gang yin pa deng tshun chad khyod la med de bud med gti mug can khyod bsnyil gyis gzhan du
16b₃ song shig ces bsgo bar bya'o/ / yang dge slong ma gang shes bzhin du de ltar bsnyil ba'i dge tshul ma nye bar 'jog par byed dam/ nye bar ston par byed dam/ kun tu longs spyod par byed dam/ kun tu gnas par byed dam/ de dang lhan cig gnas
16b₄ gcig tu nyal na ltung byed do/ / yang dge slong ma gang gos sar pa zhig rnyed na kha sgyur ga gsum po sngon po'am/ dmar po'am/ ngur smrig las gang yang rung bar kha bsgyur bar bya'o// gal te dge slong mas gos sar pa kha bsgyur ba gsum po sngon po'am/
16b₅ dmar po'am/ ngur smrig pas gang yang rung bar kha ma bsgyur bar kun tu longs spyod par byed/ kun tu gnas par byed na ltung byed do// yang dge slong ma gang rin po che'am/ rin po cher smos par rang gi lag gis len tam len du 'jug na kun dga' ra bar
16b₆ gtogs pa na 'dug gam/ gnas khang du gtogs pa na 'dug pa ma gtogs te ltung byed do// dge slong mas kun dga' ra bar gtogs pa na rin po cher smros pa 'dug pa la 'di su'i yin pa de len par 'gyur grang snyam pa de lta bu'i sems kyis blang bar bya ste/
16b₇ de la de ni cho ga yin no// bcom ldan 'das kyis zla ba phyed phyed cing khrus bya bar gsungs pa de las dus ma yin par byed na dus ma gtogs te ltung byed do// de la dus ni 'di yin te/ so ga rnams kyi zla ba lhag ma phyed dang gnyis/ dbyar rnams kyi dang po

_{iiif viewer powered by OpenSeadragon}

16a - 17a

Texts on this page