rKTs

e-texts navigator

Volume

Page

16a₁ lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na ltung byed do// yang dge slong ma gang shes bzhin du de skad zer ba'i gang zag chos bzhin du ma byas pa'i sdig pa can gyi
16a₂ lta ba'i rnam pa de dag ma spangs pa dang gtam 'dre bar byed/ phebs par smra bar byed/ kun tu gnas par byed/ kun tu longs spyod par byed cing de dag dang lhan cig gnas gcig tu nyal na ltung byed do// dge tshul ma zhig kyang 'di skad ces/ 'di ltar bcom ldan
16a₃ 'das kyis 'dod pa rnams ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ dge tshul ma de la dge slong ma rnams kyis 'di skad
16a₄ ces dge tshul ma khyod ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes ma zer cig/
16a₅ bcom ldan 'das la skur pa ma 'debs shig/ bcom ldan 'das la skur pas legs par mi 'gyur ro// bcom ldan 'das ni de skad mi gsung ngo // dge tshul ma 'dod pa bar du gcod pa dag ni bar du gcod pa nyid do zhes bcom ldan 'das kyis rnam
16a₆ grangs du mar gsungs te/ de dag bsten na bar du gcod par 'gyur gyis dge tshul ma khyod sdig pa can gyi lta ba'i rnam pa 'di lta bu 'di thong shig ces bsgo bar bya'o// dge tshul ma de la dge slong ma rnams kyis de skad bsgo ba na gal te gzhi de gtong na de lta na
16a₇ legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/

_{iiif viewer powered by OpenSeadragon}

15b - 16b

Texts on this page