| e-texts navigator |
| བོད་ཡིག |
168b1 nyid 'gro bar bya ba'am/ zhes bya ba ni rang nyid do// yid gcugs pa'i pho nya gtang bar bya'o zhes bya ba ni gang zhig song na don de byed par 'gyur ba'o// khyod kyis dge slong ma ming 'di zhes bya ba'i ched du gos kyi rin bskur ba gang yin pa de dag gis
168b2 ni de'i don ci yang ma grub ces bya ba ni dgos pa cung zad kyang ma byas pa'o/ / shes par gyis shig ces bya ba ni tshe dang ldan pa dag rang gi nor tshul ma yin par chud ma gzan cig ces bya ba'o// de la de ni cho ga yin no zhes bya ba ni de la de ni rjes su mthun pa'i
168b3 chos yin no/ / de la ltung bar ji ltar 'gyur zhe na/ gal te zhal ta byed pa de dge slong ma'i drung du song nas 'di skad ces/ 'phags ma gos snoms shig ces zer na dge slong ma des zhal ta byed pa de la 'di skad ces/ 'di dag kho mos spangs zin gyis de nyid
168b4 la byin cig ces brjod par bya'o/ / gal te zhal ta byed pa de yang 'di skad ces 'phags ma gos 'di dag bzhes shig dang / bdag gis de'i sems gzung lags kyis zhes zer na gal te dge slong mas rim pa 'di ma byas par len na thams cad du spang ba'i
168b5 ltung byed du 'gyur ro/ / gal te dge slong mas brtags pa ma yin pa des gang cung zad du na lhung bzed dam/ chos gos sam/ gzhan yang dge sbyong gi 'tsho ba'i yo byad ci yang rung ba bdag gir byed na de la spang ba'i ltung byed du 'gyur ro// spang ba'i ltung
168b6 byed brgyad pa rdzogs / / // gleng gzhi ni mnyan yod na'o// gang gi tshe bcom ldan 'das kyis mon dar gyi gding ba bkag pa de'i tshe bcu gnyis sde dag gis mon dar gyi gding ba dag kyang byed/ byed du yang 'jug pa dang / don nyung ba'i dge slong ma dag
168b7 smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ yang dge slong
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa