rKTs

e-texts navigator

Volume

Page

15b₁ pu kho na smra'am 'dug na bde bas khyod song shig ces zer na ltung byed do/ / yang dge slong ma gang min bar bdag nyid kyi phyir me la reg gam reg tu 'jug na ltung byed do// yang dge slong ma gang dge 'dun gyi bya ba chos dang ldan pa la dge slong ma la 'dun pa phul nas/
15b₂ de'i 'og tu khros 'khrugs rngam par gyur te yid ma rangs nas spong ba'i chos su byed cing 'di skad ces dge slong ma 'dun pa phyir byin cig/ khyod la mi sbyin no zhes zer na ltung byed do// yang dge slong ma gang gang zag bsnyen par ma rdzogs pa dang lhan cig nub
15b₃ gnyis las lhag par gnas gcig tu nyal na ltung byed do/ / yang dge slong ma gang 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom
15b₄ ldan 'das kyis chos bstan pa bdag gis shes so zhes zer na/ dge slong ma de la dge slong ma rnams kyis 'di skad ces 'phags ma dag ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod
15b₅ par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig/ bcom ldan 'das la skur pa ma 'debs shig/ bcom ldan 'das la skur pas legs par mi 'gyur ro// bcom ldan 'das ni de skad mi
15b₆ gsung ngo / / 'phags ma bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis 'phags ma khyod sdig pa can gyi lta ba'i rnam pa 'di lta bu 'di thong shig ces
15b₇ bsgo bar bya'o/ / dge slong ma de la dge slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o//

_{iiif viewer powered by OpenSeadragon}

15a - 16a

Texts on this page