rKTs

e-texts navigator

Volume

Page

152a₁ 'das kyi zhabs gnyis la mgo bos phyag byas te/ bcom ldan 'das la 'di skad ces gsol to// btsun pa bdag cag gis bslab pa'i gzhi 'di ji ltar gdon par bgyi/ de nas bcom ldan 'das kyis dge slong ma rnams la bslab
152a₂ pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa gsungs nas dge slong ma rnams la bka' stsal pa/ dge slong ma dag snga ma ni bcas pa'o// 'di ni gnang ba yin pas nga'i nyan thos ma rnams kyis yang 'dul ba
152a₃ la bslab pa'i gzhi 'di ltar gdon par bya ste/ dge slong ma chos gos zin te sra brkyang phyung nas chos gos lnga las gang yang rung ba zhig dang nub gcig mtshams kyi phyi rol du bral na dge 'dun gyis gnang ba ma gtogs te spang ba'i ltung byed do// chos gos zin pa
152a₄ zhes bya ba ni gong ma ji lta ba bzhin no/ / chos gos lnga zhes bya ba ni snam sbyar dang / bla gos la sogs pa chos gos byin gyis brlabs pa gang yang rung ba dag go// mtshams kyi phyi rol du bral na zhes bya ba ni skya rengs 'char bar byed na'o// dge 'dun gyis
152a₅ gnang ba ma gtogs te zhes bya ba ni dge 'dun gyis gnang ba bzhag ste'o/ / spang ba'i ltung byed do zhes bya ba ni gong ma bzhin no// de la ltung bar ji ltar 'gyur zhe na// // ltung ba'i bar sdom la/ khyim gcig pa dang khyim gnyis dang // tshogs dang sa bar
152a₆ rtsig pa dang / / 'obs kyi nyen kor dag dang ni// khyim dang tshong khang tshong rdal dang // yang thog kun rgyu g.yul dang ni// g.yul tshogs mu stegs shing rta dang // gru dang kun dga' ra ba dang // ljon shing dang ni zhus pa'o// khyim gcig pa'i grong
152a₇ ni gang / khyim gnyis pa'i grong ni gang / khyim gyi tshogs ni gang / rib mas bskor ba'i grong ni gang / rtsig pas bskor ba'i grong ni gang / de bzhin du 'obs kyis bskor ba'i grong dang / grong nyen kor gcig pa dang / grong nyen kor tha dad pa

_{iiif viewer powered by OpenSeadragon}

151b - 152b

Texts on this page