| e-texts navigator |
| བོད་ཡིག |
151b1 spang bar gyur na de spangs shing bral bar byas la ltung ba bshags nas gos gzhan zhig rnyed na ltung ba med do/ / las dang po pa dang / smyos pa dang / sems 'khrugs pa dang / tshor bas nyen pa la ni ltung ba med do// dge slong ma'i rnam par
151b2 'byed pa las/ spang ba'i ltung byed dang po rdzogs // // gleng gzhi ni mnyan yod na'o// dge slong ma dbyar gnas par khas blangs pa dbyar mthar phyin par gnas pa 'ga' zhig gis chos gos dag rnyed par gyur nas/ des de dag bkrus shing kha bsgyur te/
151b3 gtur bu bkang nas bam por bsgres te/ bla gos dang / mthang gos dang bcas pas ljongs rgyu zhing song nas/ de ljongs rgyu zhing song ba na ma sbas shing sbed du ma bcug par gyur to// dge slong ma gnas na gnyug mar gnas pa dag kyang chos gos de dag
151b4 skems pa dang / sprug pas bya ba mang ba dang / byed pa mang bar gyur cing / lung mnod pa dang / klog pa dang / kha ton dang / rnal 'byor dang / yid la byed pa dang / nang gi sems kyi zhi gnas gtong bar byed pa nas dge slong ma don nyung ba dag smod
151b5 par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis byung ba 'di dang zhes bya ba nas bslab pa bca' ba'i bar du mdzad de/ dge slong ma chos gos
151b6 zin pas sra brkyang phyung nas chos gos lnga las gang yang rung ba zhig dang / mtshams kyi phyi rol du 'bral bar byed na spang ba'i ltung byed do// zhes de ltar bslab pa'i gzhi bca' ba mdzad do// gang gi tshe bcom ldan 'das kyis rgyal po'i khab tu gnas
151b7 brtan chen po 'od srung la brten nas snam sbyar dang 'bral bar mi 'gyur ba'i gnang ba byin nas/ yang bslab pa'i gzhi bca' ba mdzad pa de'i tshe dge slong ma gnas brtan gnas brtan dag bcom ldan 'das gang na ba der song ste lhags nas bcom ldan
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa