| e-texts navigator |
| བོད་ཡིག |
150b1 zhes bya ba ni byin gyis brlabs pa lnga las lhag pa'o/ / rung bar ma byas pa zhes bya ba ni gang zhig su'i ming gis kyang rung bar ma byas la bdag nyid kyi'o zhes bcangs pa'o// spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya
150b2 ba'o/ / ltung ba zhes bya ba ni dmyal ba dang / dud 'gro dang / dang / ngan song dang / ngan 'gro log par ltung ba rnams su ste/ de bas na ltung byed do zhes gsungs so// de la ltung bar ji ltar 'gyur zhe na/ 'di lta ste/ yang dge slong mas tshes
150b3 la gos rnyed na dge slong ma des gos de zhag bcu po de nyid kyi nang du byin gyis brlab par bya ba'am/ rung bar bya ba'am/ gtang bar bya ba'am/ gzhan la sbyin par bya'o// byin gyis rlob par mi byed dam/ rung bar mi byed dam/ gtong bar mi byed dam/
150b4 gzhan la sbyin par mi byed na nyi ma bcu gcig pa'i skya rengs shar na spang ba'i ltung byed do// ji ltar tshes la gos rnyed la/ de bzhin du tshes gnyis dang / gsum dang zhes bya ba nas bcu'i nang du zhes bya ba'i bar du ste/ dge slong ma des gos de zhag bcu po de nyid kyi nang
150b5 du byin gyis brlab par bya ba'am/ rung bar bya ba'am/ gtang bar bya'o// byin gyis rlob par mi byed dam/ gtong bar mi byed dam/ rung bar mi byed na nyi ma bcu gcig pa'i skya rengs shar na spang ba'i ltung byed do// dge slong mas tshes la gos gcig
150b6 rnyed la/ phyi de nyin par gcig rnyed na dge slong ma des gos snga ma byin gyis brlab par bya zhing / phyi ma shos rung bar bya ba'am/ byin gyis brlab par bya'o// yang na gos phyi ma shos byin gyis brlab par bya zhing snga ma rung bar bya'o// byin gyis rlob par mi
150b7 byed dam/ rung bar mi byed dam/ gtong bar mi byed na/ nyi ma bcu gcig pa'i skya rengs shar na spang ba'i ltung byed do// de bzhin du dge slong mas tshes dgu la gos shig rnyed la/ tshes bcu la gcig rnyed na dge slong ma des gos snga ma byin gyis brlab par bya
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa