rKTs

e-texts navigator

Volume

Page

14b₁ 'dus pa dang ni dus min dang // gsog 'jog dang ni kha nas mid// dge slong ma gang 'dug gnas gcig tu zhag lon pa'i dge slong ma gang mi na bas bsod snyoms gcig bza' bar bya'o// de las lhag par za na ltung byed do// dge slong ma rab tu mang po
14b₂ dag khyim rnams su dong ba las gal te de dag las bram ze'am/ khyim bdag dad pa can dag gis phye dang khur ba dag dus kyis stobs par gyur la 'dod na dge slong ma de dag gis lhung bzed gang ba gnyis sam/ gsum blang bar bya'o// de las lhag par len na
14b₃ ltung byed do/ / lhung bzed gang ba gnyis sam gsum blangs nas phyi rol kun dga' ra bar dong la dge slong ma 'khod pa rnams la yang bgo bsha' bya/ bdag cag kyang bza' bar bya ste/ de la de ni cho ga yin no// yang dge slong ma gang zas zos zin cing spangs
14b₄ pa las lhag por ma byas par bca' ba'am bza' ba 'cha' 'am za na ltung byed do/ / yang dge slong ma gang shes bzhin du dge slong ma gang zas zos zin cing spangs pa la skabs tshol cing ci nas kyang dge slong ma 'di nyes pa dbyung bar bya'o// snyam pa de nyid rkyen du
14b₅ byas nas 'phags ma 'di 'cho shig/ 'di zos shig ces lhag por ma byas pa'i bza' ba dang bca' ba dus kyis stobs par byed na ltung byed do// 'dus te za na dus ma gtogs te ltung byed do// de la dus ni 'di yin te/ na ba dus so// las dus so//
14b₆ lam dus so// grur zhugs pa dang / 'dus pa chen po dang / dge sbyong gi zas dus te/ de la de ni dus yin no// yang dge slong ma gang dus ma yin par bca' ba'am bza' ba 'cha' 'am za na ltung byed do// yang dge slong ma gang bca' ba'am bza' ba
14b₇ gsog 'jog byas pa za'am 'cha' na ltung byed do/ / yang dge slong ma gang byin len ma byas par kha nas mid pa'i zas za na chu dang so shing ma gtogs te ltung byed do// // sdom la/ srog chags bcas dang gcer bu dang // dmag la lta dang

_{iiif viewer powered by OpenSeadragon}

14a - 15a

Texts on this page