| e-texts navigator |
| བོད་ཡིག |
149b1 'di lta bu 'di byung ste/ chos gos gzhan gyis ni mkhan mo dang / slob dpon dag la blta ba'i phyir 'gro bar byed/ chos gos gzhan gyis ni gtsug lag khang du chag chag 'debs par byed/ phyag dar 'phyag par byed/ chos gos gzhan gyis ni ba'i lci ba sar pa'i
149b2 byug pas skur par byed/ chos gos gzhan gyis ni bshang ba'i sa dang / gci ba'i sa dag 'phyag par byed/ chos gos gzhan gyis ni so shing 'dor bar byed/ chos gos gzhan gyis ni gnas mal dang / snod spyad 'brim par byed/ chos gos gzhan gyis ni grong
149b3 du bsod snyoms la 'jug par byed/ chos gos gzhan gyis ni zas kyi gral du bkad par byed/ chos gos gzhan gyis ni nyin par chos nyan par byed/ chos gos gzhan gyis ni mtshan mo chos nyan par byed/ chos gos gzhan gyis ni ston pa'i spyan snga nas/ gdams ngag dang /
149b4 rjes su bstan pa dag so sor nyams su myong bar byed pa na/ dge slong ma don nyung ba dag smod par byed pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis byung ba 'di dang /
149b5 gleng gzhi 'di dang / skabs 'di la dge slong ma'i dge 'dun bsdu ba mdzad de/ nga'i nyan thos ma rnams rnam par shes par 'gyur ba dang / bslab pa'i gzhi yang legs par bcas par 'gyur ba'o// sangs rgyas bcom ldan 'das rnams ni mkhyen bzhin du rmed
149b6 par mdzad pa ste/ mkhyen bzhin du rmed kyi mi mkhyen par ni ma yin/ dus su yin gyi dus ma yin par ma yin/ don dang ldan par yin gyi don dang mi ldan pa ni ma yin gyis sangs rgyas bcom ldan 'das rnams chu lon gyis zlog par mdzad pa yin pas/ 'di lta ste/ don dang
149b7 ldan pa'i phyir sangs rgyas bcom ldan 'das kyis dge slong ma rnams la rma ba rmed par mdzad de/ dge slong ma dag khyed cag la chos gos mang po 'di lta bu 'di byung ba bden nam/ bcom ldan 'das mad lags so// sangs rgyas bcom ldan 'das kyis gso dka' ba dang /
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa