| e-texts navigator |
| བོད་ཡིག |
148b1 bdag nyid phyir zhing lhag par bka' blo mi bde ba la 'jog pa'o/ / dge yang rung zhes bya ba ni mi dge ba la 'jog pa'o// sdig kyang rung zhes bya ba ni sdig pa las mi slong ba'o// kho mo yang phu nu mo rnams la ci yang mi smra'o zhes bya ba ni bdag nyid phyir zhing lhag par
148b2 gcig la gcig 'doms shing rjes su ston pa spong ba'o/ / dge yang rung bdag kyang phu nu mo dag la zhes bya ba ni dge ba la mi 'jog pa'o// sdig kyang rung bdag kyang phu nu mo dag la zhes bya ba ni sdig pa las mi slong ba'o// 'phags ma dag thong shig ces bya ba ni ring
148b3 du 'or cig ces bya ba ste/ ci khyod cag ces bya ba ni rgyu 'di dag gis bdag gi rjes su ston par bskos sam zhes bya ba'o// dge slong ma de la zhes bya ba ni 'dun ma la'o// dge slong ma rnams kyis zhes bya ba ni chos 'di pa dag gis so// gzhi de gtang bar bya ba'i
148b4 phyir zhes bya ba ni snga ma bzhin du'o/ / de lta na legs zhes bya ba ni de lta na bzang ba'o// gal te mi gtong na zhes bya ba ni bzhams te bsgo bas ji ltar snga ma bzhin du bsgo ba na'o// de la bzhams te bsgo ba na gzhi de gtong na zhes bya ba'i bar snga ma bzhin no//
148b5 de lta na legs zhes bya ba ni de lta na bzang ba'o// gal te mi gtong na zhes bya ba ni gsol ba dang bzhi'i las kyis bsgo bas ji ltar snga ma bzhin du bsgo ba na'o// yang dag par bsgo ba de ni de yin no// chos 'di yang zhes bya ba ni chos ma yin pa 'di chos kyi sgrar
148b6 gsungs pa'o/ / lan gsum gyi bar gyis 'byung ba dang bcas pa zhes bya ba ni 'byung bar 'os pa'o// dge 'dun lhag ma zhes bya ba ni ltung ba 'di dge 'dun sde gnyis la rag las pa yin/ dge 'dun sde gnyis la rton pa yin/ dge 'dun sde gnyis kyis de ltung ba
148b7 las slong bar 'gyur gyis gang zag las ni ma yin pa'o/ / 'di ltar phas pham par 'gyur ba brgyad po dag ni lhag ma med pa yin la 'di ni lhag ma dang bcas pa yin pas de bas na dge 'dun lhag ma zhes bya'o// de la ltung bar ji ltar 'gyur zhe na/ dge slong mas
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa