| e-texts navigator |
| བོད་ཡིག |
147b1 cang mi gsung bas de de bzhin du 'dzin to zhes gsol ba dang bzhi'i las kyis bsgo bar bya'o/ / de la gsol ba dang bzhi'i las kyis bsgo ba na gzhi de nyid la nan gyis zhes bya ba nas/ 'di nyid bden gyi gzhan ni pa'o zhes bya ba'i bar gyi skabs de dge
147b2 slong ma rnams kyis dge slong dag la smras pa dang / dge slong dag gis bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba'i bar du mdzad de/ 'di na dge slong ma kha cig bka' blo mi bde
147b3 ba'i rang bzhin du gyur la/ de la gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams dge slong ma rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba
147b4 ma yin par byed de/ 'phags ma dag dge yang rung sdig kyang rung kho mo la ci yang ma smra shig/ kho mo yang dge yang rung sdig kyang rung 'phags ma dag la ci yang mi smra'o// 'phags ma dag gis bdag la tshig gi lam thong shig/ khyed la yang bdag gis
147b5 smras pas ci zhig bya zhes zer ba na/ dge slong ma de la dge slong ma rnams kyis 'di skad ces 'phags ma khyod la gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams dge slong ma rnams kyis chos dang mthun
147b6 pa dang / 'dul ba dang mthun par smras pa na/ bdag nyid brjod par bya ba ma yin par ma byed par 'phags ma bdag nyid brjod par bya ba kho nar gyis shig/ 'phags ma la dge slong ma rnams chos dang mthun pa dang / 'dul ba dang mthun par smra ba na/ 'phags
147b7 mas kyang dge slong ma rnams la chos dang mthun pa dang / 'dul ba dang mthun par smros shig/ de ci'i phyir zhe na/ 'di lta ste/ gcig la gcig rjod par byed pa dang / gcig la gcig 'doms shing rjes su ston pa dang / gcig gis gcig ltung ba las
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa