| e-texts navigator |
| བོད་ཡིག |
142b1 dga' bar mi byed pa dang / de rnams kyis lhan cig gnas pa dang / nye gnas rnams la 'di skad ces smras so// phu nu mo dag gang khyed kyis ma smras ma brjod ma bskyod pa las nged kyis smras/ brjod bskyod pa ci zhig yod kye dge slong ma'i gnas
142b2 brtan gnas brtan rnams mi smra zhing kun du mi smra ba ni rung ste/ der zer na khyed ko ci'i phyir mi smra/ de rnams kyis dge slong ma dag bar du bzhag nas 'di skad ces smras so// ji skad zer ba de ni de lta yang yin na 'on kyang bdag cag gis ni bshags par bya ba
142b3 gang yin pa de yang bshags/ bsdam par bya ba gang yin pa de yang bsdams nas bdag cag gsol ba dang bzhi'i las kyi bar nyams su myong ngo // de nas dge slong ma bcu gnyis sde de dag gis dge slong ma rnams gnas brtan gnas brtan rnams la 'di skad ces
142b4 smras so/ / 'di na dge slong ma kha cig 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dag yod de/ gang du ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do//
142b5 de nas dge slong ma rnams kyis dge slong ma bcu gnyis sde la smras pa/ su la 'dun pas 'gro ba'o zhes gshe/ de dag gis smras pa/ dge slong ma gnas brtan gnas brtan rnams la'o// skabs de dge slong ma rnams kyis dge slong dag la smras so//
142b6 dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong ma khyed kyis dge slong ma bcu gnyis sde la bzhams te/ dge slong ma khyed dge slong ma gnas brtan gnas brtan rnams la 'di skad ces 'di na
142b7 dge slong ma kha cig 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba yod de/ gang du ltung ba 'dra ba kho na las dge slong ma kha cig ni skrod par byed la/ kha cig ni skrod par mi byed de zhes ma zer
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa