| e-texts navigator |
| བོད་ཡིག |
142a1 slar 'dod par byed/ skra 'greng ba dang / skra 'phyar ba rnams kyang mi 'khod do// de rnams kyi spyod lam des re lde ri la 'khod pa'i bram ze dang / khyim bdag rnams yid ma rangs shing ma dad par gyur nas dge slong gnyug ma rnams la yang
142a2 bsod snyoms mi sbyin zhing mi bya'o snyam du sems na glo bur du 'ongs pa rnams la lta smos kyang ci dgos/ de'i tshe tshe dang ldan pa kun dga' bo dge slong gnas brtan gnas brtan rnams dang re lde ri la dong ste/ dge slong 'gro mgyogs dang nab so gnyis bskrad pa'i las byas
142a3 so/ / de nyid kyi tshe dge slong ma bcu gnyis sde rnams kyang khyim sun 'byin pa byas pa'i phyir bskrad pa'i las byas so// dge slong ma bcu gnyis sde rnams kyi lhan cig gnas pa dang / nye gnas rnams kyis ni mnyan yod du lhags nas bshags par bya ba gang yin pa
142a4 de bshags shing / bsdam par bya ba gang yin pa bsdams te/ rang bzhin du gnas pa'i dge slong ma rnams dang lhan cig tu gso sbyong dang dgag dbye dang / gsol ba dang / gsol ba dang gnyis dang / gsol ba dang bzhi'i las dag nyams su myong bar byed
142a5 do/ / de nas bcu gnyis sde rnams kyis bsams pa/ bcom ldan 'das dang dge slong gi dge 'dun dang / dge slong ma'i dge 'dun la bzod pa gsol du 'dong ngo snyam mo// de nas bcu gnyis sde rnams mnyan yod ga la ba der rgyu zhing song ste/ mthar
142a6 gyis rgyu zhing 'gro ba na mnyan yod du phyin pa dang / dge slong ma rnams kyis dge slong ma bcu gnyis sde rnams mthong ngo // mthong nas kyang bcom ldan 'das la gsol pa/ bcom ldan 'das bcu gnyis sde 'di rnams bskrad pa'i las bgyis na bdag cag gis
142a7 ji ltar bsgrub par bgyi/ mi smra bar bya zhing lag brdas gtsug lag khang tha ma bstan par bya'o// de rnams kyis de bzhin du byas so// de nas de dag gi lhan cig gnas pa dang / nye gnas de rnams kyang smra bar mi byed/ kun du smra bar mi byed/ kun du
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa