| e-texts navigator |
| བོད་ཡིག |
141a1 de skad ces brjod pa na gzhi de gtong na de lta na legs/ gal te mi gtong na bzhams te bsgo bar bya'o zhes bya ba ni sngar ji skad bsgo ba bzhin no// de bzhams te bsgo ba na gzhi de gtong na de lta na legs/ gal te mi gtong na gsol ba
141a2 dang bzhi'i las kyis bsgo bar bya'o zhes bya ba ni sngar ji skad bsgo ba bzhin du ste/ 'di ni yang dag par bsgo ba yin no// 'di ni yang dag par bstan pa yin no// chos 'di yang zhes bya ba ni chos ma yin pa la chos kyi sgrar bstan pa'o// lan gsum pa la nges
141a3 par 'byung ba dang bcas pa ste zhes bya ba ni ston pa dang bcas pa'o/ / gzhan ni snga ma ji lta ba bzhin no// de la ltung bar ji ltar 'gyur zhe na/ dge slong mas dge 'dun gyis dbyen gyi rjes su phyogs par zhugs na gang ci yang rung ste/ thams cad du nyes byas
141a4 kyi ltung bar 'gyur ro/ / bzhams te bsgo ba na gzhi de gtong na de lta na legs/ gal te mi gtong na nyes pa sbom por 'gyur ro// gzhan ni snga ma ji lta ba bzhin du brjod par bya'o// dge slong ma'i rnam par 'byed pa las dge 'dun lhag ma brgyad pa
141a5 rdzogs / / // sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe re lde ri la 'gro mgyogs dang nab so gnyis dang / dge slong dmar ser can rnams khyim sun 'byin
141a6 pa'i sdig pa'i chos kun du spyod cing 'khod do/ / de rnams bud med dang lhan cig tu co 'dri bar byed/ kun du rtse bar byed/ ca co 'don par byed/ dgod pa dang / rtse ba dang / lus kyis rtsab hral byed cing / de rnams bud med dang lhan cig tu stan gcig
141a7 dang / mal gcig la 'khod par byed/ snod gcig tu bza' ba rnam pa du ma za bar byed/ snod gcig nas btung ba du ma 'thung bar byed/ me tog dag 'thog par byed/ 'thog tu 'jug par byed/ rna rgyan du byed/ rna rgyan du byed du 'jug/ me
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa