| e-texts navigator |
| བོད་ཡིག |
139a1 bya'o/ / lan gnyis lan gsum gyi bar du yang dag par bsgo/ yang dag par bstan pa na/ gzhi de gtong na de lta na ni legs/ gal te mi gtong na chos 'di yang lan gsum pa la nges par 'byung ba dang bcas pa ste dge 'dun lhag ma'o//
139a2 yang dge slong ma gang zhes bya ba ni sbom dga' mo'am/ gzhan yang de lta bu dang mthun pa gang yin pa'o// dge 'dun zhes bya ba ni de bzhin gshegs pa'i nyan thos ma'i dge 'dun no// mthun pa zhes bya ba ni ro gcig pa'o// dbye ba'i phyir zhes bya ba ni rnam pa
139a3 gnyis su bya ba'i phyir ro/ / zhugs te zhes bya ba ni brtson par byed pa'o// dbyen bya ba'i phyir zhes bya ba ni dbyen byed pa'i gzhi ni bcu bzhi ste/ chos sam chos ma yin pa'am/ 'dul ba'am/ 'dul ba ma yin pa'am/ ltung ba'am/ ltung ba ma yin
139a4 pa'am/ lhag ma yod pa'am/ lhag ma med pa'am/ lci ba'am/ yang ba'am/ bshags par bya ba'am/ bsdam par bya ba'am/ 'dul ba las 'gal ba'am/ nyes par bshad par 'gyur ba ste/ 'di dag las gang yang rung ba'i
139a5 dngos po legs par rab tu shin tu bzung ba yin no/ / rtsod pa zhes bya ba ni rtsod pa bzhi ste zhes bya ba nas bya ba'i phyir rtsod pa'i bar dag go// yang dag par blangs nas rab tu 'dzin cing zhes bya ba ni mngon par zhen nas so// dge slong ma de la dge slong ma rnams
139a6 kyis zhes bya ba ni chos 'di pa rnams kyis so/ / bzhams te bsgo bar bya'o zhes bya ba ni sngar ji skad bsgo ba bzhin du'o// gal te dge slong ma rnams kyis bzhams te bsgo ba na gzhi de gtong na zhes bya ba ni lta ba de'o// gtong na de lta na ni legs zhes bya ba ni de lta na
139a7 bzang ngo zhes bya ba'o/ / gal te mi gtong na zhes bya ba ni lta ba de'o// lan gnyis lan gsum gyi bar du yang dag par bsgo bar bya/ yang dag par bstan par bya zhes bya ba ni sngar gsol ba dang bzhi'i las kyis ji skad bsgo ba bzhin du ste/ 'di ni yang dag par
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa