| e-texts navigator |
| བོད་ཡིག |
138b1 dang bzhi'i las kyis bsgo ba mdzad par bzod pa de dag ni cang ma gsung shig/ gang dag mi bzod pa de dag ni gsung shig/ 'di ni las brjod pa dang po ste/ de bzhin du lan gnyis lan gsum du brjod par bya ba nas/ 'phags ma'i dge 'dun gyis bzod cing
138b2 gnang nas 'phags ma'i dge 'dun gyis dge slong ma grogs bgyid pa dag la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to zhes bya ba'i bar du'o// de dag la gsol ba dang bzhi'i las kyis bsgo
138b3 yang gzhi de nyid la nan gyis zhes bya ba nas gzhan ni pa'o zhes bya ba'i bar du rjes su sgrub pa'i skabs de dge slong ma rnams kyis dge slong dag la smras so/ / dge slong rnams kyis kyang bcom ldan 'das la gsol pa dang / de nas bcom ldan 'das kyis
138b4 byung ba 'di dang zhes bya ba nas bslab pa bca' ba'i bar du mdzad do/ / yang dge slong ma gang dge 'dun mthun pa dbye ba'i phyir zhugs te/ dbye ba'i phyir rtsod pa yang dag par blangs nas rab tu 'dzin cing 'dug na dge slong ma de la dge slong ma rnams kyis
138b5 'phags ma khyed dge 'dun mthun pa dbye ba'i phyir ma 'jug cig/ dbye ba'i phyir rtsod pa yang dag par blangs nas rab tu 'dzin cing rjes su ma sgrubs shig/ 'phags ma khyod dge 'dun dang mthun par gyis shig/ dge 'dun mthun mi phyed/ kun du dga' mi
138b6 rtsod de rtse gcig la/ 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ 'phags ma dge 'dun gyi dbyen byed pa'i gzhi 'di lta bu 'di thong shig ces de skad ces bsgo
138b7 bar bya'o/ / dge slong ma de la dge slong ma rnams kyis de skad ces bsgo ba na/ gal te gzhi de gtong na de lta na legs/ gal te mi gtong na gzhi de gtong du gzhug pa'i phyir lan gnyis lan gsum gyi bar du yang dag par bsgo bar bya/ yang dag par bstan par
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa