| e-texts navigator |
| བོད་ཡིག |
135b1 'dod cing bzod pa de la nged kyang 'dod cing bzod do/ / de nas dge slong ma rab tu mang po bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das
135b2 bdag cag gis sbom dga' mo la bzhams te bsgo lags te/ de bzhams te bsgo ba na gzhi de nyid la nan gyis zhes bya ba nas gzhan ni rmongs pa'o zhes bya ba'i bar du'o// dge slong ma de'i grogs mo rnams kyang dge slong ma de dag la 'di skad ces mchi ste/ phu
135b3 nu mo khyed dge slong ma 'di la cung zad kyang ma smra shig ces bya ba nas de la nged kyang 'dod cing bzod do zhes bya ba'i bar du'o/ / bcom ldan 'das kyis bka' stsal pa/ dge slong ma khyed kyis dge slong ma de dag dang / gzhan yang de lta bu dag la bzhams te sgo
135b4 shig/ bsgo ba yang 'di ltar bya ste/ dge slong ma khyed dge slong ma gang zhig dge 'dun mthun pa dbye ba'i phyir zhugs te/ dbye ba'i phyir rtsod pa yang dag par blangs nas rab tu 'dzin cing 'dug par shes bzhin du de'i grogs byed cing mi mthun par smra ba'i rjes su
135b5 phyogs par ma byed par phu nu mo dag dge 'dun 'byed pa'i rjes su 'brang ba mi mthun par smra ba 'di lta bu thong shig/ dge slong ma rnams kyis de skad du smras pa na gal te zhes bya ba nas gzhi de nyid la zhes bya ba dang / gzhan ni rmongs pa'o zhes bya ba'i bar du'o//
135b6 skabs de dge slong ma rnams kyis dge slong rnams la smras so// dge slong rnams kyis kyang bcom ldan 'das la gsol pa dang / bcom ldan 'das kyis bka' stsal pa/ dge slong ma khyed kyis sbom dga' mo la gsol ba dang bzhi'i las kyis sgo shig/
135b7 bsgo ba yang 'di ltar bya ste/ gnas mal bshams pa byas la zhes bya ba nas/ dge slong ma gcig gis gsol ba byas te las bya'o// 'phags ma'i dge 'dun phu nu mo rnams bdag la gsan du gsol/ dge slong ma sbom dga' mo 'di dge
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa