| e-texts navigator |
| བོད་ཡིག |
135a1 de skad ces bka' stsal pa dang / lhas byin khros 'khrugs nas mgo lan gsum gcogs te mjal to zhes bya ba nas bcom ldan 'das kyi spyan snga nas song ngo // de nas lhas byin de phyin chad dge slong gi dge 'dun gyi dbyen bya bar
135a2 brtsams so/ / de'i tshe dge slong ma sbom dga' mo zhes bya bas kyang dge slong ma'i dge 'dun gyi dbyen bya bar 'bad pa brtsams pa dang / dge slong ma rnams kyis de 'bad pa rtsom par 'phrigs so// skabs de dge slong ma rnams kyis dge slong dag la smras so// dge slong
135a3 dag gis kyang bcom ldan 'das la gsol ba dang / bcom ldan 'das kyis bka' stsal pa/ dge slong ma khyed kyis sbom dga' mo la bzhams te sgo shig/ bzhams te bsgo ba yang 'di ltar bya ste/ sbom dga' mo khyed dge slong ma'i dge 'dun mthun pa dbye
135a4 ba'i phyir ma 'jug cig/ dbye bar bya ba'i phyir rtsod pa yang dag par bzung nas rab tu 'dzin cing ma 'dug cig sbom dga' mo khyed dge 'dun dang mthun par gyis shig/ dge 'dun mthun mi phyed/ kun du dga' mi rtsod de/ rtse gcig la 'don pa gcig cing chu dang
135a5 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis sbom dga' mo khyed kyis dge 'dun gyi dbyen byed pa'i gzhi de lta bu thong shig/ de la de skad du bzhams te bsgo yang gzhi de nyid la phyir zhing nan
135a6 gyis mchog tu bzung nas 'di kho na bden gyi gzhan ni rmongs pa'o zhes rjes su tha snyad 'dogs so/ / dge slong ma de'i grogs mo rnams kyang dge slong ma de dag la 'di skad ces zer te/ phu nu mo khyed dge slong ma 'di la dge yang rung sdig kyang rung cung zad kyang ma smra
135a7 shig/ de ci'i phyir zhe na/ dge slong ma 'di ni chos smra ba 'dul ba smra ba ste 'di ni chos dang 'dul ba yang dag par blangs nas rab tu 'dzin cing rjes su tha snyad 'dogs pas/ dge slong ma 'di shes bzhin du smra'i mi shes par ni ma yin no// dge slong ma 'di gang la
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa