| e-texts navigator |
| བོད་ཡིག |
134b1 kun shes kauN+Di n+ya ga la ba der song ste phyin nas kun shes kauN+Di n+ya la 'di skad ces smras so/ / gnas brtan bdag la rdzu 'phrul gyi lam ston cig/ de nas tshe dang ldan pa kun shes kauN+Di n+yas bcom ldan 'das kyi thugs la rnam par bltas te de'i 'dod pa'i sdig
134b2 pa can du gyur par rig nas lhas byin la 'di skad ces smras so/ / lhas byin gzugs tshul bzhin yid la gyis shig dang khyod la rdzu 'phrul dang gzhan yang 'byung bar 'gyur ro// rnam par shes pa'i bar tshul bzhin yid la gyis shig dang khyod la rdzu 'phrul
134b3 dang gzhan yang 'byung bar 'gyur ro zhes bya ba nas/ lhas byin gyis 'od srung stobs bcu pa las rdzu 'phrul bsgrubs te de gcig tu gyur nas du mar 'gyur zhes bya ba'i bar du'o// re zhig na sems yongs su gtugs pa de la 'dod pa sdig pa can du gyur
134b4 pa 'di lta bu byung ste/ da ltar bcom ldan 'das bgres 'khogs gtugs pas 'khor bzhi po la gdams par mnyel bas/ kye ma bcom ldan 'das kyis dge slong gi dge 'dun bdag la gtad de/ bdag gis dge slong gi dge 'dun yongs su
134b5 drung zhing bcom ldan 'das ni mthong ba'i chos la bde bar gnas pa'i rnal 'byor la rjes su brtson zhing thugs las chung ngur bzhugs kyang ci ma rung snyam mo/ / ji tsam na lhas byin bcom ldan 'das ga la ba der phyin nas/ bcom ldan 'das kyi zhabs la mgo
134b6 bos phyag 'tshal te bcom ldan 'das la 'di skad ces gsol to/ / bcom ldan 'das da ltar bgres 'khogs zhes bya ba nas mthong ba'i chos la bde bar gnas pa'i rnal 'byor la rjes su brtson zhing zhes bya ba'i bar du'o// de skad ces gsol pa dang / bcom
134b7 ldan 'das kyis lhas byin la 'di skad ces bka' stsal to/ / skyes bu gti mug ngas re zhig tshangs pa mtshungs par spyod pa des pa shA ri'i bu dang / maud gal gyi bu dag la yang dge slong gi dge 'dun mi gtad na mchil ma 'thung ba ro khyod la lta smos kyang ci dgos/
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa