| e-texts navigator |
| བོད་ཡིག |
134a1 zas rnyed par dka' ba byung ngo snyam mo/ / yang lhas byin 'di snyam du sems te/ bdag gis kyang rdzu 'phrul thob par byas la bdag kyang gang gis ming 'dzam bu zhes bya bas 'dzam bu'i gling du shes pa der song la shing 'dzam bu'i snye ma kha dog dang
134a2 dri dang ro dang ldan pa rnams kyis lhung bzed bkang ste blangs nas/ bdag nyid kyang yongs su longs spyad par bya/ tshangs pa mtshungs par spyod pa mkhas pa yod pa dag la yang bgo bsha' bya'o// de bzhin du yul gang dag 'byor pa dang / rgyas pa dang / bde ba dang / lo
134a3 legs pa dang / skye bo dang / mi mang pos gang ba de dag tu yang song la/ bza' ba dang bca' ba gtsang zhing bsod pa kha dog dang dri dang / ro dang ldan pas lhung bzed bkang ste blangs nas bdag nyid kyang yongs su longs spyod par bya/ tshangs pa mtshungs par spyod pa mkhas
134a4 pa yod pa dag la yang bgo bsha' bya'o snyam mo/ / yang lhas byin 'di snyam du sems te ma la bdag bcom ldan 'das ga la ba der 'gro'o snyam mo// de nas lhas byin bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal
134a5 nas phyogs gcig tu 'dug go/ / phyogs gcig tu 'dug nas bcom ldan 'das la lhas byin gyis 'di skad ces gsol to// bcom ldan 'das bdag la rdzu 'phrul gyi lam bstan du gsol/ bde bar gshegs pa bdag la rdzu 'phrul gyi lam bstan du gsol/
134a6 de nas bcom ldan 'das kyis lhas byin gyi 'dod pa sdig pa can du gyur pa thugs su chud nas lhas byin la 'di skad ces bka' stsal to// lhas byin re zhig lhag pa'i tshul khrims la brtson par gyis shig dang khyod la rdzu 'phrul dang gzhan yang 'byung bar 'gyur ro// lhag
134a7 pa'i sems dang / lhag pa'i shes rab la brtson par gyis shig dang khyod la rdzu 'phrul dang gzhan yang 'byung bar 'gyur ro// de nas lhas byin 'di snyam du sems te/ bcom ldan 'das bdag la rdzu 'phrul gyi lam mi ston no snyam du rig nas lhas byin tshe dang ldan pa
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa