| e-texts navigator |
| བོད་ཡིག |
131b1 zhes bya ba ni 'chi ltas dang / nye ba'i 'chi ltas la'o// dge slong ma rnams kyis zhes bya ba ni chos 'di pa rnams kyis so// 'di skad ces brjod par bya ste zhes bya ba ni 'di skad ces smra bar bya ba'o// phu nu mo khyed 'dres par ma gnas shig/ khyed 'dres par
131b2 gnas na dge ba'i chos rnams nyams pa kho nar 'gyur gyi 'phel bar ni ma yin par rig par bya'o zhes bya ba ni khyed 'dres par gnas na dge ba'i phyogs su mi 'gyur bas khyed so so tha dad du gnas par gyis shig/ khyod tha dad du gnas na dge ba'i phyogs 'phel ba
131b3 kho nar 'gyur ba'o/ / gal te dge slong ma rnams kyis zhes bya ba ni chos 'di pa rnams kyis so// dge slong ma de dag la de skad ces brjod pa na zhes bya ba ni 'chi ltas dang / nye ba'i 'chi ltas dag la ji ltar sngar bzhams te bsgo ba bzhin du bsgo na'o// gzhi de
131b4 gtong na de lta na legs zhes bya ba ni de lta na bzang ba'o/ / gal te gzhi de mi gtong na gzhi de gtong du gzhug pa'i phyir lan gnyis lan gsum du ji ltar sngar bsgo ba bzhin gsol ba dang bzhi'i las kyis yang dag par bsgo bar bya/ yang dag par bstan par
131b5 bya ste/ yang dag par bsgo ba ni 'di yin/ yang dag par bstan pa ni 'di yin no// chos 'di yang zhes bya ba ni chos ma yin pa la chos kyi sgrar gsungs pa'o// nges par 'byung ba dang bcas pa ni rton par bya ba dang bcas pa'o// de la ltung bar ji ltar
131b6 'gyur zhe na/ ji tsam du cung zad dge slong ma dag tha dad du gnas par gyis shig/ ces brjod pa las 'dres par gnas nas thams cad du nyes byas su 'gyur ro// bzhams te bsgo ba las ma mnyan na sbom por 'gyur ro// rim pa gzhan ni ji ltar sngar
131b7 dge 'dun lhag ma bcu gnyis pa las bshad pa bzhin no/ / dge slong ma'i rnam par 'byed pa las dge 'dun lhag ma lnga pa rdzogs // // gleng gzhi ni mnyan yod na'o// de'i tshe de skad ces bka' stsal pa dang / dge slong ma de dag tha dad du gnas so//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa