rKTs

e-texts navigator

Volume

Page

131a₁ bam po bcu pa/ las ni 'di ltar bya ste/ lan gsum du brjod pa rgyas par bya'o// de ltar de dag la dge slong ma rnams kyis gsol ba dang bzhi'i las kyis bsgo ba na gzhi de nyid la nan gyis zhes bya ba nas 'di kho na bden gyi gzhan ni
131a₂ rmongs pa'o zhes bya ba'i bar gyi skabs de dge slong ma rnams kyis dge slong rnams la smras so/ / dge slong dag gis kyang / bcom ldan 'das la gsol to// de nas bcom ldan 'das kyis byung ba 'di dang zhes bya ba nas/ bslab pa bca' ba mdzad pa'i bar du ste/
131a₃ yang dge slong ma gang dag 'dres par gnas shing / de dag 'dres par gnas pa na dgod pa dang / rtse ba dang / lus kyis rtsab hral byed na/ dge slong ma de dag la dge slong ma rnams kyis 'di skad ces brjod par bya ste/ phu nu mo khyed 'dres par ma gnas shig/
131a₄ khyed 'dres par gnas na dge ba'i chos rnams nyams pa kho nar 'gyur gyi 'phel ba ni ma yin par rig par bya'o// khyed tha dad du gnas na dge ba'i chos rnams 'phel ba kho nar 'gyur gyi nyams pa ni ma yin par rig par bya'o// gal te dge slong ma rnams kyis dge
131a₅ slong ma de dag la de skad ces brjod pa na gzhi de gtong na de lta na legs/ ji ste tha dad du mi gnas kyi 'dres pa kho nar gnas na gzhi de gtong du gzhug pa'i phyir dge slong ma de dag la dge slong ma rnams kyis lan gnyis lan gsum du yang dag par bsgo bar bya/ yang
131a₆ dag par bstan par bya'o/ / lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang nges par 'byung ba dang bcas pa ste dge 'dun lhag ma'o// yang dge slong ma gang
131a₇ dag ces bya ba ni 'chi ltas dang / nye ba'i 'chi ltas so// 'dres par gnas pa ni tshol ba ste/ stan dang mal dang zas kyis 'dres par gnas pa'o// dgod pa ni 'phyar ba'o// rtse ba ni rtsed mo'o// lus kyi rtsab hral ni dgod bror rung ba'o// dge slong ma de dag la

_{iiif viewer powered by OpenSeadragon}

130b - 131b

Texts on this page