| e-texts navigator |
| བོད་ཡིག |
130a1 'jigs pas 'gro'o zhes byas na nyes byas su 'gyur ro// gzhan ni lhag ma bcu gnyis po snga ma ji lta ba bzhin du brjod par bya'o// dge slong ma'i rnam par 'byed pa las dge 'dun lhag ma bcu bzhi pa rdzogs // // gleng gzhi
130a2 ni gnyan yod na'o/ / de'i tshe na dge slong ma 'chi ltas dang / nye ba'i 'chi ltas gnyis 'dre bar gnas par byed do// de dag 'dre bas gnas pa na dgod pa dang / rtse ba dang / lus kyis rtsab hral byed do// de gnyis shin tu 'dre bas gnas par byed pa na
130a3 dogs pa'i gnas su gyur te/ dge slong ma rnams dogs pa skyes nas/ dge slong ma rnams kyis de gnyis la phu nu mo khyed gnyis ha cang 'dre bas gnas par ma byed cig ces bsgo ba na/ de gnyis de kho na bzhin du 'dre bas gnas par byed pa'i skabs de dge
130a4 slong ma rnams kyis dge slong dag la smras so/ / dge slong dag gis kyang bcom ldan 'das la gsol to// bcom ldan 'das kyis bka' stsal pa/ dge slong ma khyed 'dre bas gnas par ma byed cig/ de ci'i phyir zhe na/ khyed 'dre bas gnas par byed na
130a5 dge ba'i chos rnams mi 'phel zhing 'grib pa nyid du 'gyur bar rig par bya'o/ / dge slong ma khyed mi 'dre bas gnas par gyis shig/ de ci'i phyir zhe na/ khyed cag rnams mi 'dre bas gnas par byed na dge ba'i chos rnams mi 'grib cing 'phel ba
130a6 nyid du 'gyur bar rig par bya'o zhes bka' stsal pa na/ dge slong ma rnams kyis de gnyis la 'dre bar ma byed cig ces bsgo ba na yang de kho na bzhin du 'dre zhing gnas par gyur pa'i skabs de dge slong ma rnams kyis dge slong dag la smras so// dge slong dag
130a7 gis kyang bcom ldan 'das la gsol to/ / bcom ldan 'das kyis bka' stsal pa/ dge slong ma khyed cag gis dge slong ma 'chi ltas dang / nye ba'i 'chi ltas dang / gzhan yang de lta bu dang mthun pa su yang rung ba dag bzhams te bsgo bar bya'o//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa