| e-texts navigator |
| བོད་ཡིག |
129b1 gtong ba de lta na legs/ ji ste gtong bar mi byed na gzhi de gtong bar bya ba'i phyir lan gnyis lan gsum gyi bar du yang dag par bsgo bar bya/ yang dag par bstan par bya'o// lan gnyis lan gsum gyi bar du yang dag par bsgo/ yang dag par bstan
129b2 pa na/ gal te gzhi de gtong ba de lta na legs/ ji ste gtong bar mi byed na chos 'di yang dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro// dge slong ma gang zhes bya ba ni sbom dga' mo'o// 'thab mo
129b3 byed cing gnas la zhes bya ba ni phyogs gnyis su gyur pa la'o/ / dge slong ma rnams kyis zhes bya ba ni chos 'di pa rnams kyis so// phu nu mo khyod 'thab mo ma byed cig ces bya ba ni phyogs gnyis su ma byed cig ces so// khros nas zhes bya ba ni yid mi bde nas
129b4 so/ / 'di skad ces gang gi phyir 'thab mo byed pa kha cig la ni smra bar byed la/ kha cig la ni smra bar mi byed pas zhes bya ba nas 'jigs pas 'gro ba'o zhes bya ba'i bar du zer ba'i dge slong ma de la zhes bya ba ni sbom dga' mo la'o// dge slong ma rnams kyis zhes
129b5 bya ba ni chos 'di pa rnams kyis so/ / 'di skad ces bya ba ni bzhams te bsgo ba snga ma ji lta ba bzhin du bsgo bar bya ba'o// bzhams te bsgo ba na gzhi de gtong ba de lta na legs zhes bya ba ni de lta na bzang ba'o// ji ste gtong bar mi byed na zhes bya ba ni 'dun
129b6 pas 'gro ba'o zhes bya ba la sogs pa'i tshig de'o/ / lan gnyis lan gsum gyi bar du yang dag par bsgo/ yang dag par bstan pa na zhes bya ba ni sngar gsol ba dang bzhi'i las kyis ji skad bsgo ba bzhin du byas na'o// gzhan ni snga ma bzhin no// de la
129b7 ltung bar ji ltar 'gyur zhe na/ ji tsam du dge slong mas dge slong ma rnams la 'di skad ces/ 'dun pas 'gro'o zhes smras na nyes byas su 'gyur ro// zhe sdang gis 'gro'o zhes byas na nyes byas su 'gyur ro// gti mug gis 'gro'o zhes byas na nyes byas su 'gyur ro//
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa