| e-texts navigator |
| བོད་ཡིག |
128a1 gnyis su gyur pa na'o/ / khros nas zhes bya ba ni yid mi bde nas so// 'di skad ces re zhig shAkya'i bu'i dge sbyong 'di dag 'ba' zhig ces bya ba ni 'di dag kho na'o// tshul khrims dang ldan pa zhes bya ba ni ji skad gsungs pa'i tshul khrims dang
128a2 ldan pa'o/ / yon tan dang ldan pa zhes bya ba ni thos pa la sogs pa'i yon tan dang ldan pa'o// dge sbyong gzhan yang zhes bya ba ni 'di las phyi rol du gyur pa'o// de dag gi drung du zhes bya ba ni de dag gi thad du'o// tshangs par spyod pa spyad par zad kyis zhes
128a3 bya ba ni rab tu byung bar zad kyis so/ / sangs rgyas gtong ngo zhes bya ba ni rkang gnyis kyi mchog go// chos dang dge 'dun gtong ngo zhes bya ba ni 'dod chags dang bral ba'i mchog dang / tshogs rnams kyi mchog go// zer ba'i dge slong ma de la zhes bya ba ni
128a4 nag mo la'o/ / dge slong ma rnams kyis zhes bya ba ni chos 'di pa rnams kyis so// 'di skad ces bya ba ni bzhams te bsgo ba snga ma ji lta ba bzhin du bsgo bar bya ba'o// bzhams te bsgo ba na gzhi de gtong ba de lta na legs zhes bya ba ni de lta na bzang ba'o//
128a5 ji ste gtong bar mi byed na zhes bya ba ni sdig pa can gyi lta bar gyur pa de'o// lan gnyis lan gsum gyi bar du yang dag par bsgo yang dag par bstan pa na zhes bya ba ni sngar gsol ba dang bzhi'i las kyis ji skad bsgo ba bzhin du'o// de la ltung bar ji ltar 'gyur
128a6 zhe na/ dge slong ma gang 'thab pa na khros nas 'di skad ces re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi/ dge sbyong gzhan yang tshul khrims dang ldan pa/ yon tan dang ldan pa yod pas de
128a7 dag gi drung du tshangs par spyod pa spyad par zad kyis sangs rgyas gtong ngo / / chos dang dge 'dun gtong ngo zhes zer na ji ltar yang rung ste thams cad du nyes byas su 'gyur ro// bzhams te bsgo ba na gal te gzhi de gtong ba de lta na legs/ ji ste gtong bar
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa