| e-texts navigator |
| བོད་ཡིག |
126a1 bzhin du ma byas na ltung ba med do/ / las gsum pa'i tshig brjod pa yang rdzogs la chos ji lta ba dang / 'dul ba ji lta ba dang / ston pas bstan pa ji lta ba de bzhin du byas kyang gzhi de gtong bar mi byed na dge 'dun lhag mar 'gyur
126a2 ro/ / dge slong ma des stan de nyid du 'dug bzhin du 'di skad ces 'phags ma dag bdag la dge 'dun lhag ma byung ngo zhes bya ba'i tshig smra bar byed pa de lta na legs/ ji ste smra bar mi byed na nyes byas su 'gyur ro// des ltung ba ma mthol zhing ma bshags
126a3 bzhin du de'i 'og tu gsol ba dang / gsol ba dang gnyis dang / gsol ba dang bzhi'i las nyams su myong bar byed na thams cad du nyes byas su 'gyur ro// las dang po pa la sogs pa la ni ltung ba med do// dge slong ma'i rnam par 'byed pa las dge
126a4 'dun lhag ma bcu gnyis pa rdzogs / / // gleng gzhi ni mnyan yod na'o// de'i tshe na mnyan yod na sngon gzhan mu stegs can du gyur pa dge slong ma nag mo zhes bya ba de dge slong ma rnams dang 'thab pa na khros nas 'di skad ces/ re zhig shAkya'i bu'i dge
126a5 sbyong 'di dag 'ba' zhig tshul khrims dang ldan pa/ yon tan dang ldan pa ma yin gyi dge sbyong gzhan yang tshul khrims dang ldan pa/ yon tan dang ldan pa yod pas de dag gi drung du tshangs par spyod pa spyad par zad kyis sangs rgyas gtong ngo // chos dang dge 'dun
126a6 gtong ngo zhes zer ba'i skabs de dge slong ma rnams kyis dge slong dag la smras so/ / dge slong dag gis kyang bcom ldan 'das la gsol to// bcom ldan 'das kyis bka' stsal pa/ dge slong ma khyed cag gis dge slong ma nag mo'am/ gzhan
126a7 yang de lta bu dang mthun pa su yang rung ba dag la bzhams te bsgo bar bya'o/ / bsgo ba yang 'di ltar bya ste/ nag mo khyod 'thab pa na khros nas 'di skad ces re zhig shAkya'i bu'i dge sbyong 'di dag 'ba' zhig tshul khrims dang ldan pa/ yon tan dang ldan pa ma yin
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa