| e-texts navigator |
| བོད་ཡིག |
124a1 zhes bya ba ni bu lon bda' ba'i dpang rgya'o/ / len par byed na zhes bya ba ni len na'o// chos 'di yang zhes bya ba 'di ni chos ma yin pa la chos kyi sgrar bstan pa'o// gzhan ni snga ma bzhin no// de la ltung bar ji ltar 'gyur zhe na/ dge slong
124a2 ma chags rgya len par byed na ji ltar yang rung ste dge 'dun lhag mar 'gyur ro/ / tshegs chung ngus khugs pa dang / las dang po pa la sogs pa la ltung ba med do// dge slong ma'i rnam par 'byed pa las dge 'dun lhag ma bcu gcig pa rdzogs // // gleng
124a3 gzhi ni mnyan yod na'o/ / de'i tshe mnyan yod na dge slong ma 'dun ma zhes bya ba 'thab mo byed pa/ 'gyed par byed pa/ 'thab krol byed pa/ rtsod par byed pa/ de'i bu mo 'dun ma mo zhes bya ba de thos so cog de thams cad ma la zlos par byed do// de'i
124a4 rgyus dge slong ma'i dge 'dun rnams 'tshang kar lhags te 'thab pa dang rtsod par byed do/ / de nas dge slong ma'i dge 'dun gyis rtsad chod nas 'dun ma bsod snyoms la song ba'i 'og tu dge slong ma'i dge 'dun gyis dge slong ma 'dun ma mo ma mthong ba'i phyir gnas nas
124a5 dbyung ba'i las byas so/ / de nas 'dun ma mo ngu zhing ma la dge 'dun mas bdag la ma mthong ba'i phyir gnas nas dbyung ba'i las byas so zhes smras pa dang / des 'di skad ces khams gsum nas bskrad pa'i las kyang byed la rag go zhes smras nas/ de yang
124a6 dkyil 'khor gyi mtshams kyi phyi rol du song ste bzod pa gsol du bcug nas de dang lhan cig gnas par byed/ lhan cig za bar byed/ lhan cig khyim na nyal bar byed pa dang / dge slong ma de dag gis 'dun ma la 'di skad ces smras so// khyod ci bskrad pa dang
124a7 lhan cig gnas par byed dam/ za bar byed dam/ khyim na lhan cig gnas par byed dam/ des 'di skad ces smras so// ci bskrad ces te phyogs dang yul du 'dug tu mi rung ngam/ dge slong ma de dag gis smras pa/ dge slong ma'i dge 'dun ma la bzod pa
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa