| e-texts navigator |
| བོད་ཡིག |
121a1 na chos 'di yang dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro// dge slong ma gang zhes bya ba ni sbom dga' mo'o// gcig pu zhes bya ba ni gnyis pa med par ro// 'gron lam
121a2 zhes bya ba ni dgon pa'i lam mo/ / gzhan ni snga ma bzhin no// de la ltung bar ji ltar 'gyur zhe na/ dge slong ma gcig pu 'gron lam du 'gro bar byed na ji ltar yang rung ste dge 'dun lhag mar 'gyur ro// gzhan ni snga ma bzhin no// dge slong ma'i rnam
121a3 par 'byed pa las dge 'dun lhag ma brgyad pa rdzogs / / // gleng gzhi ni mnyan yod na'o// de nas dge slong ma mang po ljongs rgyu ba rgyu zhing chu 'gram zhig tu phyin to// de dag bya ba cung zad tsam gyis phyi rol du 'gro bar 'dod nas gru btsal ba dang /
121a4 mnyan pas pha rol gyi 'gram du phur pa la gru btags te 'dug go// re zhig na dge slong ma rnams kyis mthong nas/ de dag gis 'di skad ces smras so// gal te bdag cag las rkyal shes pa 'ga' zhig yod na de song la gru blang bar gyis shig/ de'i
121a5 tshe na sngon mnyan pa mo byed byed pa dge slong ma nag mo zhes bya ba des 'di skad ces smras so/ / 'phags ma dag bdag song la gru blang bar bgyi'o zhes smras nas des chos gos brtul te chu'i nang du zhugs so// de yang sngon gyi goms pa gang yin pa de bri zhing lus
121a6 kyang lci bar gyur pas dbus su phyin pa dang gting du bying la thug par gyur to/ / de nas dge slong ma 'gram na 'dug pa rnams kyis 'di skad ces smras so// nag mo rkyol cig nag mo rkyol ces smras nas/ de yang ngal chad de 'gram du phyin te nyi ma nub pa dang dbyar khang
121a7 du 'ongs so/ / dge slong ma rnams kyis cung zad bde bar brgyus sam zhes dris pa dang / des ji ltar gyur pa de dag rgyas par smras pa na/ de dag gis 'di skad ces smras so// khyod gcig pu chur zhugs sam/ des smras pa/ gcig pu'o// de dag
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa