rKTs

e-texts navigator

Volume

Page

11b₁ 'phags ma thugs brtse ba'i slad du de dag bzhes shig ces zer na/ dge slong ma des pho nya de la 'di skad ces tshe dang ldan pa pho nya dge slong ma dag ni gos kyi rin dag len du mi rung ste/ bdag cag gos rung ba dus su rnyed na len to zhes brjod par bya'o// gal te pho nya de
11b₂ dge slong ma de la 'di skad ces 'phags ma rnams kyi zhal ta bgyid pa 'phags ma rnams kyi zhal ta nyams su len pa gang lags pa 'ga' mchis sam zhes zer na/ dge slong ma gos 'dod pas pho nya 'di ni dge slong ma rnams kyi zhal ta byed pa ste/ 'di ni dge slong ma
11b₃ rnams kyi zhal ta nyams su len pa'o zhes kun dga' ra ba'am/ dge bsnyen zhal ta byed pa bstan par bya'o// de nas pho nya des gos kyi rin dag khyer nas zhal ta byed pa ga la ba der 'gro bar bya zhing phyin nas zhal ta byed pa de la 'di skad ces tshe dang ldan pa zhal ta byed pa shes
11b₄ par gyis shig/ khyed kyis gos kyi rin 'di dag gis gos 'di dang 'di lta bu zhig nyos la dge slong ma ming 'di zhes bya ba 'ongs pa dang / de la gos rung ba dus su skon cig ces brjod par bya'o// de nas pho nya des zhal ta byed pa de la shin tu legs par yang dag par bsgo
11b₅ zhing yang dag par bstan nas/ dge slong ma ga la ba der 'gro bar bya zhing phyin nas dge slong ma de la 'di skad ces/ 'phags mas zhal ta bgyid pa bstan pa gang lags pa de la bdag gis yang dag par bstan lags kyis de'i gan du bzhud cig dang / des khyod la
11b₆ gos rung ba dus su skon par 'gyur ro zhes brjod par bya'o/ / dge slong ma gos 'dod pas zhal ta byed pa'i gan du song la tshe dang ldan pa zhal ta byed pa bdag gos 'dod do// tshe dang ldan pa zhal ta byed pa bdag gos 'dod do// zhes lan gnyis lan gsum du bskul bar
11b₇ bya dran par bya'o/ / lan gnyis lan gsum du bskul zhing dran par byas pa na gal te gos de grub na de lta na legs/ gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o// lan bzhi lan lnga lan drug gi bar du phyogs su cang

_{iiif viewer powered by OpenSeadragon}

11a - 12a

Texts on this page