| e-texts navigator |
| བོད་ཡིག |
118a1 bdag dang nam zhig mjal bar 'gyur/ des 'di skad ces smras so// khyod glang po che mo dang phrad par 'gyur ro// de nas phyi bzhin 'brang ba'i dge sbyong ma des sbom dga' mo la 'di skad ces smras so// 'phags ma mi 'di chags par mi mkhyen tam/
118a2 des 'di skad ces smras so// shes so// ci'i slad du khyod skyes pa chags pa las cung zad bdag gir mdzad pa'i skabs de dge slong ma rnams kyis thos so// thos nas dge slong dag la smras so// dge slong dag gis bcom ldan 'das la gsol to// de nas
118a3 bcom ldan 'das kyis byung ba 'di dang zhes bya ba nas bslab pa bcas so zhes bya ba'i bar du ste/ yang dge slong ma gang chags nas skyes pa chags pa la cung zad bdag gir byed na chos 'di yang dang po nas ltung bar 'gyur zhing nges par 'byung ba dang bcas pa ste dge 'dun
118a4 lhag ma'o/ / dge slong ma gang zhes bya ba ni sbom dga' mo'o// chags pa zhes bya ba ni 'dod chags pa dang / kun du 'dod chags pa dang / kun nas dkris pa'o// skyes pa chags pa zhes bya ba ni 'dod chags pa dang / kun du 'dod chags pa dang / kun
118a5 nas dkris pa spos 'tshong gi khye'u'am/ gzhan yang de lta bu gang yin pa'o// las zhes bya ba ni thad nas so// cung zad ces bya ba ni bza' ba lnga dang bca' ba lnga'o// bdag gir byed ces bya ba ni blangs nas mgrin par mid pa'o// chos 'di zhes bya ba 'di ni
118a6 chos ma yin pa la chos kyi sgrar gsungs pa'o/ / dang po nas ltung bar 'gyur ba zhes bya ba ni mod la ltung bar 'gyur ba'o// nges par 'byung ba dang bcas pa zhes bya ba ni rton pa dang bcas pas bya ba'o// dge 'dun lhag ma zhes bya ba ni ltung ba 'di gnyi
118a7 ga'i dge 'dun la rag las pa dang / gnyi ga'i dge 'dun dang 'brel ba dang / gnyi ga'i dge 'dun la rton pa dang / ltung ba 'di gnyi ga'i dge 'dun las ldang bar 'gyur gyi gang zag las ma yin pa dang / gzhan yang phas pham par 'gyur ba brgyad ni
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa