| e-texts navigator |
| བོད་ཡིག |
115a1 bcom ldan 'das kyis dge slong rnams la bslab pa'i gzhi bca' bar mdzad pa de'i tshe dge slong ma rnams kyis cha des ut+pa la'i mdog la brgal to/ / skabs de dge slong ma rnams kyis dge slong dag la smras so// dge slong rnams kyis kyang bcom ldan
115a2 'das la gsol to/ / de nas bcom ldan 'das kyis byung ba 'di dang zhes bya ba nas bslab pa bcas pa'i bar du'o// yang dge slong ma gang khros shing zhe sdang ma spangs pas ci nas kyang 'di tshangs par spyod pa dang dbral lo snyam nas dge slong ma dag pa ltung ba med pa la
115a3 rtsod pa gzhan gyi cha ma yin pa'i cha cung zad tsam gyi chos 'ga' zhig blangs nas dge slong ma phas pham pa ma byung ba la phas pham pa'i chos kyis skur pa las de yang dus gzhan zhig na dris kyang rung ma dris kyang rung rtsod pa de nyid kyang gzhan gyi cha ma yin zhing / rtsod pa de
115a4 yang gzhan gyi cha ma yin pa'i cha cung zad tsam gyi chos 'ga' zhig blangs par gyur la dge slong ma zhe sdang la gnas pas zhe sdang gis smras so zhe na/ yang chos 'di dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro//
115a5 yang dge slong ma gang zhes bya ba ni mdza' mo'o// khros shing zhes bya ba'i bar ni snga ma bzhin no// rtsod pa zhes bya ba ni rtsod pa bzhi po rnams te snga ma bzhin no// gzhan gyi cha ma yin pa zhes bya ba la/ gzhan zhes bya ba ni mya ngan las 'das pa'o// de'i cha ma yin
115a6 pa ni phas pham par 'gyur ba'i chos brgyad po dag go/ / cha cung zad tsam zhes bya ba ni dang / mo dag lta bu'o// chos zhes bya ba ni chos ma yin pa la chos kyi sgrar gsungs pa'o// blangs nas zhes bya ba ni bzung nas so// dge slong ma phas pham pa
115a7 ma byung ba la zhes bya ba ni ut+pa la'i mdog go/ / phas pham pa'i chos zhes bya ba ni phas pham pa brgyad po gang yang rung bas so// skur pa las zhes bya ba ni skur pa btab pa las so zhes bya ba nas gzhi med pa'i bslab pa'i gzhi ji lta ba bzhin du thams cad snga ma bzhin du
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa