| e-texts navigator |
| བོད་ཡིག |
111a1 rnams la bka' stsal pa/ dge slong dag mi gti mug can de dag gnyis kyis 'di ltar zang zing cung zad tsam gyi rgyus shes bzhin du gyi tshig smras par gyur to// de yang bcom ldan 'das kyis byung ba de nyid las tshigs su bcad pa
111a2 gnyis bka' stsal pa/ lus can du smra ba yi// chos gcig las ni 'das gyur cing // 'jig rten pha rol bshig pa yis// 'di na sdig pa mi bya med// lcags sgong me lce 'dra ba dag/ zos par gyur pa ches bla yi// tshul 'chal
111a3 yang dag sdom med pas/ / yul 'khor bsod snyoms za ba min// de nas nam mkha'i dkyil na gnas pa'i lha rnams kyis kye ma'o// a la la rnyed pa dang bkur sti 'di ni mi bzad pa'o// mchog tu mi bzad pa'o zhes bya ba nas/ zang zing cung zad
111a4 tsam gyi rgyus dge slong la skur pa 'debs par byed pa ni ngan pa'o ngan pa'o zhes smras so/ / de nas dge slong zhig gis de'i tshe tshigs su bcad pa smras pa/ nyes med srid gsum 'gro ba yi// nor la'ang skur pa btab pa'i phyir// 'jig rten dag na blo ldan
111a5 gang / / 'khor ba la ni dga' bar byed// de nas bcom ldan 'das kyis dge slong rnams la bka' stsal pa/ dge slong dag gang zag gsum po 'di dag ni 'di dag ma spangs na ngan song du 'gro ba/ sems can dmyal bar 'gro ba dag yin no//
111a6 gsum gang zhe na/ dge slong dag 'di la gcig ni 'dod pa rnams la sten cing sdig pa mi dge ba dag byed pa ste/ dge slong dag de ma spangs na gang zag 'di ni ngan song du 'gro ba/ sems can dmyal bar 'gro ba dang po yin no// gzhan yang dge slong
111a7 dag 'di la gang zag gcig ni 'dod pa rnams ni gtsang ba'o/ / 'dod pa rnams ni bsod pa'o// 'dod pa rnams ni longs spyad par bya ba'o// 'dod pa rnams la nyes pa med do zhes de ltar lta zhing de skad smra ba ste/ dge slong dag de ma spangs na gang zag 'di ni
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa