rKTs

e-texts navigator

Volume

Page

110b₁ bsnyil bar gyis shig/ dge slong mdza' bo dang / sa las skyes gnyis la ni ci zhig mthong / ji ltar mthong / gang du mthong / gang na mthong / khyed gnyis ci'i phyir der son ces legs par rab tu smra zhing brtag pa gyis shig ces bka'
110b₂ stsal nas/ bcom ldan 'das gdan las bzhengs te nang du yang dag 'jog gi phyir gtsug lag khang du gshegs so// de nas dge slong rab tu mang po dag gis bcom ldan 'das nang du yang dag 'jog la zhugs nas ring po ma lon par rig nas/ tshe dang
110b₃ ldan pa gyad bu nor ni dran pa dang ldan par bzung / dge slong ma mdza' mo ni rang gis khas blangs pas bsnyil dge slong mdza' bo dang / sa las skyes gnyis la ni ci zhig mthong / ji ltar mthong / gang du mthong / gang na mthong / khyed gnyis ci'i
110b₄ phyir der son ces legs par rab tu smras shing brtags so/ / legs par rab tu smras shing brtags pa na de gnyis kyis 'di skad ces smras so// tshe dang ldan pa dag tshe dang ldan pa gyad bu nor la mi tshangs par spyod pa'i phas pham pa ma byung mod kyi/ 'on kyang
110b₅ bdag cag tshe dang ldan pa gyad bu nor gyis lan gsum gyi bar du kha zas ngan pa zar bcug pas tho btsams te/ lus shin tu rjud par gyur te zhes bya ba'i bar dang / de gnyis kyis 'di snyam du kye ma'o sdug bsngal lo// kye ma'o mi bzad do// tshe dang ldan pa
110b₆ gyad bu nor gyis bsams bzhin du zhes bya ba nas lan gsum gyi bar du kha zas ngan pa zar bcug pas lus shin tu rjud par gyur pas brku thabs 'ga' zhig bya'o zhes bsams te/ bdag cag gis tshe dang ldan pa gyad bu nor la 'dun pas smras pa/ zhe sdang dang /
110b₇ gti mug dang / 'jigs pas smras par zad kyi/ tshe dang ldan pa gyad bu nor la mi tshangs par spyad pa'i phas pham par ma byung ste/ 'di ltar tshe dang ldan pa gyad bu nor dag pa ltung ba med pa yin no zhes bya ba'i bar du'o// de nas bcom ldan 'das kyis dge slong

_{iiif viewer powered by OpenSeadragon}

110a - 111a

Texts on this page